EGLWYS GELLIMANWYDD

Y Gymdeithas - Cwis Flwyddyn newydd

2012-01-25T22:59:00.001Z

rhai o'r criw yn mwynhau

Nos Fercher 25 Ionawr daeth criw da ynghyd i'r festri i gymryd rhan yn ein cwis. Edwyn Williams oedd y cwis feistr a cawsom hwyl yn ceisio dyfalu beth oedd yr eitemau newyddion, lluniau o bethau anghyffredin, antiques roadshow a rownd o adnabod y gerddoriaeth.
Wedi'r cystadlu cawsom gyfle i gymdeithasu a chael cwpanaid o de a bisgedi.
Diolch i Mrs Mandy Rees ac aelodau pwyllgor y Gymdeithas am drefnu'r noson yn ogystal a rhaglen ddiddorol ar ein cyfer unwaith eto eleni.

Dathlu'r Nadolig

2012-01-19T17:28:00.000Z

Do yn wir daeth Sion Corn i'n Parti Nadolig yng Ngellimanwydd a dyma fe gyda ein Gweinidog Y Parchg Dyfrig Rees.

PARTI NADOLIG

2011-12-28T10:31:00.003Z

Roedd Dydd Sul 18 Rhagfyr yn ddiwrnod o ddathlu'r Nadolig yng Ngellimanwydd. Cewch hanes yr oedfa foreol yn Moreia ac oedfa Nadolig y Capel yn y ddau adroddiad blaenorol.

Wedi oedfa'r prynhawn aeth pawb i Neuadd Gellimanwydd i orffen ein diwrnod o ddathlu a mawl a chael parti Nadolig. Daeth Sion Corn i’n gweld ac

un o olygfeydd gorau’r flwyddyn oedd gweld y Neuadd yn orlawn o ffrindiau, plant, ieuenctid ac aelodau i gyd yn mwynhau a dathlu’r Nadolig.

2011-12-28T00:00:00.002Z

Prynhawn Dydd Sul 18 Rhagfyr 2011 am 3.00pm cynhaliwyd gwansanaeth Nadolig Gellimanwydd. Cawsom ein harwain gan Dafydd Llywelyn, Mari Llywelyn ac Elan Daniels tuag at y preseb.

Dafydd oedd yn chwarae rhan Joseff, Macey rhan Mair a Catrin rhan Gabriel. Roedd Cari Beth, Efa Haf, Efa Nel, Elen Gwen, Eve, Ffion, Gwenan, Gwenno, Kalyn, Mali, Manon, Marged Alaw, yn angylion a Cian, Ianto, Luke, a Tomos yn fugeiliaid. Roedd rhannau'r doethion a rhai o'r bugeiliaid yn cael eu chwarae gan rhieni ac oedolion.

Roedd rhieni yn darllen o'r beibl a chyflwyno'r emynau. Yn ogystal roedd tri cor yn canu eitemau o dan arweiniad Mrs Gloria Lloyd a Mr Cyril Wilkins yn cyfeilio.

Roedd y casgliad yn mynd tuag at Shelter Cymru. Hyfryd oedd gweld y capel yn llawn ar gyfer yr oedfa o ddathlu a mawl. Hefyd hyfrydwch oedd gweld plant, rhieni, aelodau a ffrindiau'r eglwys yn cyd-dddathlu drwy gymryd rhan yn drama fawr y Nadolig.

Wedi'r oedfa aeth pawb i Neuadd Gellimanwydd i barhau a'r dathlu a chael parti Nadolig.

Awn i Fethlem, bawb dan ganu,

neidio, dawnsio a difyrru,

i gael gweld ein Prynwr c’redig

aned heddiw, Ddydd Nadolig.

Gwasanaeth Nadolig ar y cyd a Moreia, Tycroes

2011-12-22T09:48:00.000Z

Bore Dydd Sul 18 Rhagfyr aeth aelodau Gellimanwydd i Moreia, Tycroes i ymuno gyda ein chwaer eglwys mewn Oedfa Nadolig. Hyfryd oedd gweld cymaint yn yr oedfa. Cawsom wasanaeth hyfryd a'n harwain at wir ystyr y Nadolig mewn chanu cynulleidfaol, adrodd, darlleniadau ac eitemau unigol gan dri chor.

Wedi'r oedfa cawsom gyfle i gymdeithasu gyda'n ffrindiau yn Festri Moreia. Roedd yn ddechrau hyfyrd i ddiwrnod hynod fendithiol o fawl i Dduw.

Daeth Crist i'n plith, O llawenhawn,

a deued pawb ynghyd

i'w dderbyn a'i gydnabod ef,

yn Geidwad i'r holl fyd.

Gwasanaethau Nadolig

2011-12-12T22:53:00.001Z

Bydd Capel Gellimanwydd yn cynnal ei Gwasanaethau Nadolig ar Dydd Sul 18 Rhagfyr 2011.

Yn y bore byddwn yn uno gyda Eglwys Moreia, Tycroes ar gyfer Gwasanaeth Nadolig ar y cyd yn Moreia am 10.30. I ddilyn byddwn yn cael cyfle i gymdeithasu yn Festri Moreia a rhannu Cwpanaid o de a mins peis.

Yna am 3.00 o'r gloch y prynhawn byddwn yn cynnal Oedfa Nadolig Plant ac Ieuenctid yr Ysgol Sul yng Ngellimanwydd, gyda'r oedolion yn cynorthwyo.

Wedi'r oedfa byddwn yn dathlu'r Nadolig drwy gael Parti Nadolig yn y Neuadd. Mae croeso cynnes i bawb a gobeithiwn y byddwch yn gallu ymuno a ni. Gobeithio bydd Sion Corn yn galw yn ystod y Parti.

Ar fore Dydd Nadolig cynhelir Cymun Bore Nadolig am 8.30

Apel Mr X

2011-12-12T22:33:00.000Z

Mae Capel Gellimanwydd, Rhydaman wedi cymryd rhan eleni eto yn Apel Mr X, sef ymgyrch Gwasnaethau Cymdeithasol Sir Gaerfyrddin i sicrhau bod plant yr ardal yn derbyn anrheg Nadolig. Ar Nos Iau 8 Rhagfyr derbyniodd Joanna Thomas Gwasanaethau Cymdeithasol Dinefwr a’r cylch, rhoddion capeli’r Gwynfryn a Gellimanwydd Rhydaman.a Moreia Tycroes at achos Mr X.

Operation Christmas Child

2011-10-15T11:35:00.001+01:00

Unwaith eto eleni yn ystod Cwrdd Diolchgarwch Plant yt Ysgol Sul roeddem yng Ngellimanwydd yn casglu bocsus esgidiau ar gyfer Operation Christmas Child.

Oeddech chi’n gwybod bod hyn i gyd wedi dechrau yn 1990 pan wnaeth dyn o’r enw David Cooke o Wrexham weld lluniau ar y teledu o blant amddifad heb ddim mewn cartrefi plant yn Romania.

Gofynnodd Mr Cooke i’w ffrindiau ei helpu i lenwi lori fawr gyda tegannau er mwyn ei dreifio i Romania i rhoi anrhegion i’r plant.

Roedd ymateb pobl lleol mor dda fe wnaeth gasglu gwerth £60,000 a chafodd Operation Christmas Child ei sefydlu, ac yn mis Rhagfyr 1990 aeth confoi o dryciau i Romania gyda 17 gwirfoddolwr. Ymysg yr anrhegion oedd y bocsus esgidiau cyntaf i gael eu llenwi gyda anrehgion. Wrth weld wynebau’r plant yn derbyn y bocsus fe wnaeth y gwirfoddolwyr ddweud eu bod am barhau gyda’r gwaith ar ol cyrraedd adref.

Erbyn 1995 wnaeth Operation Christmas Child uno gyda’r Samaritan’s Purse, a chafodd yr apel bocsus esgidiau ei lansio mewn gwledydd eraill. Cafodd 280,000 bocs ei ddosbarthu ar draws Kenya, Rwanda, Moscow, Romania, Bosnia, Hungary, Albania a Serbia.

Erbyn heddiw mae’r ymgyrch yn dosbarthu 1,200,000 (1.2 miliwn) o focsus esgidiau o Brydain ac Iwerddon pob blwyddyn ac mae bocsus esgididiau plant Gellimanwydd ymysg y rhain.

Gwasanaeth Diolchgarwch yr Oedolion

2011-10-10T22:43:00.000+01:00

Nos Sul 9 Hydref am 5.30 cynhaliwyd gwasnaeth diolchgarwch yr oedolion yng nghapel Gellimanwydd.

Cawsom ein harwain gan ein gweinidog Y Parchg Dyfrig Rees, ac yna daeth nifer ymlaen i ddiolch i'r Arglwydd mewn darlleniadau, adroddiadau a chanu emynau.

Yn ystod yr oedfa cawsom eitemau gan dri Côr, sef parti merched, parti dynion a chôr y Capel.

Yn eu harwain oedd Mrs Gloria Lloyd gyda Mr Cyril Wilkins yn cyfeilio ar yr organ. I gloi'r oedfa offrymwyd Y fendith gan y Parchg Canon John Gravelle.

"Cenwch yn llafar i'r Arglwydd, yr holl ddaear.

Gwasanaethwch yr Arglwydd mewn llawenydd: deuch o'i flaen ef â chân."

Gwasanaeth Diolchgarwch

2011-10-09T15:28:00.000+01:00

Llawenydd a diolch oedd testun Oedfa Ddiolchgarwch Plant Ysgol Sul Gellimanwydd ar Fore Sul 9 Hydref. Y Llanwenydd cyntaf i ni oedd gweld y Capel yn llawn, yn enwedig gyda cymaint o deuluoedd ifanc yn bresennol.

Roedd aelodau Capel y Gwynfryn, Rhydaman a Moreia, Tycroes wedi ymuno a ni. Ein Gwr Gwadd oedd Mr Nigel Davies, Swyddog Mudiad Ieuenctid Cristonogol Sir Gaerfyrddin.

Dechreuwyd yr oedfa gan Dafydd Llywelyn, Elan Daniels a Mari Llywelyn. Roedd Macy Wilkinson a Catrin Broderick yn rhoi emynau allan a cawsom eitem hyfryd gan y plant lleiaf - 12 ohonynt yn y Sedd Fawr a llawer o rheiny am y tro cyntaf.

Cawsom hanes Mam a'i phlentyn gan Nigel ac yna dangosodd drwy gyflwyniad Power Point mai Iesu yw ein cyswllt ni a Duw. Dangosodd Nigel mai Iesu yw ein pont ni tuag at Dduw.

I gryfhau'r neges gofynnodd i Dafydd, Macy a Catrin ddod i'r sedd fawr ble roedd wedi rhoi croes bren ar ben dau focs mawr ac roedd angen iddynt gerdded ar hyd y groes i ddangos ei bod yn bosib i ni groesi tuag at Duw drwy ddilyn Iesu a'r groes.

Wedi'r oedfa cawsom ginio bara a caws yn Neuadd Gellimanwydd a chyfle i gymdeithasu.

CYRDDAU DIOLCHGARWCH

2011-10-07T20:24:00.000+01:00

Cynhelir Cyrddau Diolchgarwch Gellimanwydd Dydd Sul yma, sef 9ed Hydref.

Yn y bore bydd Gwansanaeth Diolchgarwch Plant yr Ysgol Sul. Bydd aelodau Y Gwynfryn a Moreia Tycroes yn ymuno a ni i ddiolch i Dduw. Yn annerhc bydd Mr Nigel Davies, Swyddog Mudiad Ieucentid Cristnogol Sir Gaerfyrddin.

Wedi'r oedfa byddwn yn cymdeithasu drwy rannu bara a caws a disgled o de yn Neuadd Gellimanwydd.

Yn yr hwyr cynhelir Oedfa Ddiolchgarwch yr Oedolion am 5.30.

Croeso i bawb.

Mwy o luniau Trip y gymdeithas

2011-09-28T22:37:00.000+01:00

Dyma ychydig mwy o luniau o trip y Gymdeithas i Cheltenham.

TRIP Y GYMDEITHAS

2011-09-22T09:01:00.000+01:00

Dydd Sadwrn 17 Medi oedd dyddiad trip blynyddol Cymdeithas Gellimanwydd eleni.

Cheltenham oedd y gyrchfan y tro hwn. Roedd y bws yn dechrau o Rhydaman am 9 ac erbyn 11.00 roeddem yng nghanol y dre yn barod am ddiwrnod o “sightseeing” a siopa.

Roedd farchnad grefftau yno a manteisiodd rhai ar y cyfle i weld y stondinau cyn crwydro’r Promenad enwog. Wrth gwrs, roedd yn rhaid cael cwpanaid o de a cinio yn y dref cyn dychwelyd am adre.

Yn ol yr arfer rhaid oedd stopio ar y ffordd gartre. Aethom i’r Ship inn yn Alveston, ger yr hen bont Hafren a mwynhau pryd blasus o fwyd a sgwrs melus cyn dychwelyd adre wedi cael diwrnod i’r brenin. Diolch i Mrs Mandy Rees a Mairwen Lloyd am y trefniadau

2011-09-04T14:18:00.001+01:00

A hithau'n ddiwedd gwyliau ysgol mae'n dymor newydd arnom ninnau yng Ngellimanwydd yn ogystal.

Dydd Iau nesaf, Medi 8 bydd Drws Agored yn ail ddechrau yn Neuadd Gellimanwydd. Cofiwch bod croeso i bawb.

Dydd Sul nesaf, Medi 11 mae Ysgol Sul y Plant yn ail ddechrau wedi seibiant dros yr haf.

Yna Nos Wener ganlynol sef Medi 16 bydd Clwb Hwyl hwyr yn dechrau ar dymor newydd am 5.30 yn y Neuadd. Cofwich bod croeso i unrhyw blentyn sydd ym mlwyddyn 3-6 i uno gyda ni yn yr hwyl.

Ac yna i ddechrau Tymor newydd bydd Trip blynyddol Y Gymdeithas yn mynd i Cheltenham ar ddydd Sadwrn Medi 17.

Mae'n mynd i fod yn dymor prysur unwaith eto.

Mabolgampau Dan Do Ysgolion Sul Sir Gaerfyrddin

2011-08-11T18:50:00.000+01:00

Cwblhawyd blwyddyn o weithgareddau ar gyfer yr Ysgolion Sul yn sir Gaerfyrddin gyda mabolgampau dan do. Mae poblogrwydd y digwyddiad hwn wedi tyfu yn aruthrol ac eleni cynhaliwyd tair noson o gystadlaethau gyda thyrfa niferus iawn yn bresennol ar bob achlysur. Cynhaliwyd cystadlaethau rhanbarthol ar gyfer y dwyrain a’r gorllewin gyda rowndiau terfynol y sir yn cael eu cynnal yng Nghanolfan Hamdden Caerfyrddin.

Trefnwyd cystadlaethau ar gyfer pob ystod oedran, o’r meithrin hyd at 18 oed, gyda chyfanswm o 59 o gystadlaethau. Roedd amrywiaeth eang yn y math o gystadlaethau er mwyn rhoi cyfle i gymaint â phosib i fedru cymryd rhan. Yn ogystal â gwahanol fathau o rasys, cafwyd hefyd gwahanol fathau o gystadlaethau maes megis, taflu pêl am nôl, taflu pwysau, neidio cyflym (“speed bounce”), naid hir, naid driphlyg a thynnu rhaff. Gwobrwywyd y tri cyntaf yn y rowndiau terfynol gyda medalau “aur”, “arian” neu “efydd.”

“Cyffro”, “llawenydd”, “hwyl”, “sgrechian”, “gwefr” yw’r geiriau sy’n llifo i’r meddwl wrth gofio am yr achlysur. Roedd yr holl ddigwyddiad yn hysbyseb o’r math orau i’r Ysgol Sul ac i’r clwb Cristnogol.

Bydd M.I.C. eto yn trefnu amrywiaeth o weithgareddau cyffrous y tymor nesaf ond yn y cyfamser os hoffech weld rhagor o luniau o’r mabolgampau ewch i www.micsirgar.org

(Mae M.I.C. yn gweithio’n gyd enwadol ar draws sir Gaerfyrddin gyda’r nod o hybu tystiolaeth yr efengyl ymhlith plant a phobl ifanc ac mae croeso i unrhyw eglwys o fewn y sir i fod yn rhan o’r Fenter. Am fanylion pellach cysyllter â Nigel Davies ar (01994)230049 neu mic@uwclub).

MABOLGAMPAU MIC

2011-07-15T20:41:00.000+01:00

Nos Lun diwethaf, 11 Gorffennaf cynhaliwyd Mabolgampau'r ysgolion Sul Dwyrain Caerfyrddin dan nawdd MIC (Mudiad Ieuenctid Cristnogol) Sir Gar.

Hyfryd oedd gweld Gampfa Canolfan Hamdden Rhydaman yn orlawn. Roedd timau o bob rhan o'r ardal yno yn cystadlu yn y bwrlwm.

Cystadleuthau oedran meithrin a cynradd oedd yn cael eu cynnal gyda'r rowndiau terfynol a chystadleuthau uwchradd yng Nghaerfyrddin ar y nos Fercher.

Roedd cystadleuthau rasus unigol a chyfnewid, naid hir, neidio yn ol a blaen, taflu pel am yn ol, taflu pwysau a tynnu rhaf.
Roedd yn galondid i weld cymaint wedi dod ynghyd a gweld y plant a’r bobl ifanc yn mwynhau mas draw a hynny dan enwau ysgolion Sul yr ardal.

TLWS LERPWL

2011-07-04T23:18:00.000+01:00

Fel yr adroddwyd yn yr erthygl flaenorol ar y wefan hon enillodd Ysgol Sul Gellimanwydd yr Ail wobr yng nghystadleuaeth Tlws Cyfundeb Lerpwl am 20 llun mewn albwm yn dangos yr Eglwys ar Waith.

Yn y lluniau uchod gwelir ein gweinidog y Parchg Dyfrig Rees a'i wraig Mrs Mandy Rees yn derbyn y rhodd oddi wrth Llywydd yr Undeb sef Y Parchg Andrew Lenny yn y Cyfarfod Blynyddol yn Biwmaris.

TLWS CYFUNDEB LERPWL

2011-07-03T16:20:00.003+01:00

Llun clawr yr albwm

Llongyfarchiadau mawr i Mari Llywelyn ac Elan Daniels o Ysgol Sul Gellimanwydd am ddod yn ail yng Nghystadleuaeth Tlws Cyfundeb Lerpwl.

Ar ddydd Sadwrn 2 Gorffennaf yng Nghyfarfod Blynyddol Undeb Yr Annibynwyr Cymraeg yn Biwmaris cyhoeddwyd enillwyr Cwpan Denman a Tlws Lerpwl a daeth Ysgol Sul Gellimanwydd yn ail yng nghystadleuaeth y Tlws.

Cywaith o 20 llun yn dangos yr Eglwys ar Waith oedd y gystadleuaeth ac roedd Elan a Mari wedi dangos holl waith Eglws Gellimanwydd mewn albwm hardd.

Cyflwynwyd gwobr o £50 i'n Gweinidog Y Parchg Dyfrig Rees yn y Cyfarfod Blynyddol.

Chwiorydd Annibynwyr y De

2011-06-26T20:14:00.001+01:00

Mrs. Carys Williams, Penarth yn cyflwyno Beibl y Dalaith i Mrs. Bethan Thomas, Gellimanwydd

Cynhaliodd Adran Chwiorydd yr Annibynwyr, Talaith De Cymru, eu cyfarfod blynyddol eleni yng Nghapel Gellimanwydd, Rhydaman a hynny am y tro cyntaf. Braf oedd gweld capel llawn gyda chwiorydd o’r gwahanol ardaloedd yn y De, o’r Barri i Borth Tywyn, yn bresennol.

Llywyddwyd y rhan gyntaf o’r oedfa gan Carys Williams, Penarth (gweddw’r Parch. Meurwyn Williams) ac fe ddarllenwyd o’r Ysgrythur gan Pat Thomas ac Iris Cobbe gyda Gill Lloyd, Penarth yn arwain mewn gweddi. Yn ystod y gwasanaeth urddwyd Bethan Thomas, Gellimanwydd yn lywydd. Bu Bethan yn ysgrifennydd yr adran am dros ddegawd yn y nawdegau.

‘Bara – Y Gwir Fara’ oedd thema’r gwasanaeth. Cafwyd cyflwyniad o ‘Bara Angylion Duw’ gan barti o chwiorydd o gapeli’r Gwynfryn a Gellimanwydd, Rhydaman a Moreia, Tycroes. Hilary Davies oedd wedi paratoi’r parti a Gloria Lloyd oedd yn cyfeilio wrth yr organ ac yn ystod y gwasanaeth. Cafwyd anerchiad ysbrydoledig a gofir am amser maith gan Hazel Charles Evans, Llandybïe.

Mi roedd merched Gellimanwydd wedi paratoi’n helaeth gogyfer a’r holl chwiorydd oedd yn bresennol. Cafodd pawb gyfle i gymdeithasu a sgwrsio dros baned a lluniaeth yn Neuadd Gellimanwydd wedi’r oedfa.

Mudiad Chwiorydd yr Annibynwyr, Talaith y De

2011-06-22T19:56:00.000+01:00

Ar Fore Sul 19 Mehefin cyflwynwyd rhodd fechan i Mrs Bethan Thomas, ein Hysgrifennydd, yn arwydd o'n llongyfarchaidau iddi ar gael ei hurddo yn Llywydd Mudiad Chwiorydd yr Annibynwyr, Talaith y De.

Bydd Bethan yn cael ei hurddo yn Llywydd Mudiad Chwiorydd yr Annibynwyr, Talaith y De, yn ystod Cyfarfod Blynyddol y Mudiad sydd i'w gynnal yng Ngellimanwydd ar Nos Fawrth 21 Mehefin.

TRIP Y CAPEL 2011

2011-06-19T09:37:00.000+01:00

Ar dydd Sadwrn 18 Mehefin aeth llond bws o aelodau gellimanwydd i Ddinbych y Pysgod. Rhaid dweud bod pawb yn ofudus am 9.30 pan gyrhaeddodd y bws oherwydd roedd yn arllwys y glaw. Yn wir erbyn cyrraedd Cross Hands roedd y trefnwyr yn meddwl am "Plan B" oherwydd roedd hyd yn oed windscreen wipers y bws yn cael trafferth i ymdopi.
Ond erbyn cyrraedd Cilgeti roedd y tywydd yn gwella a cawsom dywydd bendigedig.
Yn ol yr arfer wedi cyrraedd aeth rhai am frecwast mawr, neu cwpanaid o goffi o leiaf. Yna i lawr i'r traeth. Roedd yn gysgodol ar y traeth a daeth yr haul allan i'n croesawu. Newidiodd y plant i mewn i ddillad nofio a treuliwyd y diwrnod cyfan yn chwarae ar y traeth. Manteisiodd rhai ar y cyfle i grwydro'r dref a gweud ychydig o siopa
Erbyn 4.00 o'r gloch roedd pawb yn barod am "fish & chips" ac i fyny i'r dref a ni i gael rhwybeth i fwyta cyn dychwelyd adref wedi cael diwrnod bendigedig a hynny yn yr haul er waethaf rhagolygon yn y bore.

Hyfryd oedd cael cymdeithasu yn un teulu mawr.

TRIP Y CAPEL

2011-06-01T18:11:00.000+01:00

Mae Trip y Capel eleni yn mynd i Ddinbych y Pysgod ar Ddydd Sadwrn 18 Mehefin. Cofiwch ymuno a ni yn un o uchafbwyntiau'r flwyddyn. Bydd y bws yn gadael y Capel am 9.30 a dychwelyd o Ddinbych y Pysgod am 5.30. Mae plant yn cael mynd am ddim a pris i oedolyn fydd £12.

Croeso cynnes i bawb. Cysylltwch ag Edwyn os hoffech ddod. 01269 845435

LLUNIAU BWRLWM BRO

2011-05-25T21:45:00.000+01:00

Bwrlwm Bro yr Ysgolion Sul

2011-05-24T19:55:00.001+01:00

Dydd Sul 22Mai am 10.30 cynhaliwyd Bwrlwm Bro’r Ysgolion Sul yn Neuadd Gellimanwydd, Rhydaman. Daeth criw da ynghyd o gapeli Brynaman, Capel Hendre Llangennech Pontarddulais, a Rhydaman,

Mr Nigel Davies, Swyddog Swyddog Plant / Ieuenctid, Menter Ieuenctid Cristnogol Sir Gâr oed dyn gyfrifol am y bore. Drwy gyfrwng PowerPoint a fideo cawsom hanes y dyn dall a iachawyd gan Iesu trwy roi mwd ar ei lygaid. Yna cafodd y plant gyfle I gymryd rhan mewn gweithgareddau a gemau yn seilidig ar yr hanes.

Prif bwrpas Bwrlwm Bro yw calonogi gwaith yr Ysgol Sul trwy roi cyfle llawn hwyl i blant gymdeithasu a dysgu yng nghwmni ei gilydd. Roedd y sesiwn wedi ei gynllunio’n ofalus o gwmpas hanes “ iachau y dyn dall ger Pwll Siloam” ac yn cynnwys amrywiaeth o weithgareddau cyffrous.

Cafodd y plant brofiad llawn hwyl, tra ar yr un pryd cyflawni amcan yr Ysgol Sul o gyflwyno efengyl Iesu Grist mewn ffordd syml, ddealladwy a pherthnasol ar gyfer heddiw.

Y gweithgaredd nesaf bydd Mabolgampau Dan Do ar gyfer Ysgolion Sul / clybiau Cristnogol sir Gaerfyrddin Dwyrain Sir Gâr yng Nghanolfan Hamdden Rhydaman ar Nos Lun Gorffennaf 11eg.

GWASANAETH CYMORTH CRISTNOGOL

2011-05-15T20:05:00.000+01:00

Christian Aid/Tom Pilston

I ddechrau gweithgareddau Wythnos Cymorth Cristnogol trefnwyd Gwasanaeth Undebol Dwyieithog yng Ngellimanwydd. Trawsnewid Cymunedau oedd y testun a cawsom ein harwain gan aelodau'r Capel mewn gweddiau, darlleniadau, myfyrdodau ac emynau. Y mae Wythnos Cymorth Cristnogol yn rhoi’r cyfle i ni edrych allan o’n bywydau a’n pryderon dyddiol at y darlun ehangach, i fyd o ddioddefaint a gobaith. Yr ydym oll yn rhan o’r darlun ehangach, p’un ai y sylweddolwn hynny neu beidio. Mae Iesu yn ein gwahodd i ddewis bywyd.Yn ogystal dangoswyd ffilm Cymroth Cristnogol "Allan o Dlodi" oedd yn dangos ymdrechio criw Cymorth Cristnogol Sevenoaks ac yn adrodd stori’r trawsnewid rhyfeddol yng nghymunedau ffermio coffi Nicaragua.

Hyfryd oedd gweld y Neuad dyn llawn ac wedi'r oedfa casom gyfle i rannu cwpoanaid o goffi a bisgedi.

Am yr holl ffyrdd y mae Cymorth Cristnogol yn helpu trawsnewid cymunedau,

gan alluogi ein chwiorydd a’n brodyr

i fyw bywydau mwy cyflawn

Diolch i Dduw.

Yr ydym yn rhan o hynny!

Diolch i Dduw.

Amen.

Y GYMANFA GANU UNDEBOL

2011-04-23T09:26:00.000+01:00

Dydd Sul 17 Ebrill ar Sul y Blodau cynhaliwyd ein Cymanfa Ganu Undebol yng Nghapel Gellimanwydd. Daeth aelodau a ffrindiau o gapeli Gellimanwydd, Y Gwynfryn, Moreia, Seion, Capel Newydd, Bethani, Gosen, Capel Hendre, Caersalem ac Ebeneser ynghyd i gymryd rhan yn y Gymanfa.

Yr Arweinydd oedd Mr Eifion Thomas, Llanelli, Mae Mr Thomas yn adnabyddus drwy Gymru gyfan fel arweinydd Cor Meibion Llanelli ac yn denor dawnus. Cafodd Mr Thomas gefnogaeth broffesiynol medrus Mrs Gloria Lloyd yn ystod y ddwy oedfa.

Roedd Gymanfa'r plant yn ybore am 10.30 ac yna Gymanfa'r oedolion am 5.30 yr hwyr. Cawsom Gymanfa gwerth ei dathlu yng nghwmni Eifion Thomas ac roedd yntau yn cael y gorau allan o'r plant a'r oedolion.

Yr Ysgol Sul

2011-04-12T23:05:00.000+01:00

Mae Plant yr Ysgol Sul wedi bod yn paratoi ar gyfer y Gymanfa Ganu Undebol bore dydd Sul 17 Ebrill.

Hefyd Dydd Sul diwethaf roedd y dosbarth lleiaf wedi paratoi cardiau Pasg gan liwio lluniau o wyau pasg ac yna eu gludo ar garden.

Hyfryd oedd gweld y plant lleiaf yn gweithio mor ddiwyd ac yn mwynhau eu hunain yr un pryd.

CLWB HWYL HWYR

2011-04-12T23:01:00.000+01:00

Daeth tymor Clwb Hwyl Hwyr i ben Nos Wener 9 Ebrill. Unwaith eto mae'r tymor wedi bod yn un llwyddiannus iawn gyda nifer o weithgareddau a nosweithiau gwerth chweil yn Neuadd Gellimanwydd ar Nos Wener.

Eleni dechreuwyd Clwb uwchradd a daeth criw da ynghyd ar Nos Wener cyntaf y mis am 6.30.

Mae'r Clwb Cynradd yn cwrdd am 5.0 pob Nos Wener adeg tymor ysgol o Medi hyd at ddiwedd tymor y Pasg.

I orffen y tymor cawsom barti ble dewisiodd pawb rhwng chicken nuggets neu sosej a chips.

Hoffai swyddogion y Clwb ddiolch i bawb sydd wedi mynycu'r clwb am eu cefnogaeth.

Cwrdd ar y cyd gyda Moreia Tycroes

2011-04-12T22:55:00.000+01:00

Bore Dydd Sul 10 Ebrill cawsom gyfle i gyd addoli gyda'n chwaer eglwys, Moreia, Tycroes. Daeth aelodau Moreia atom i Gellimanwydd ar gyfer yr Oedfa foreuol. Ein Gweinidog, Y Parchg Dyfrig Rees oedd yn arwain yr oedfa.

Yn ol yr arfer adeg cwrdd ar y cyd cawsom gyfle i gymdeithasu wedi'r oedfa drwy rannu cwpanaid o de a bisgedi yn y Neuadd.

Yna yn y nos cawsom Ymarfer olaf ar gyfer y Gymanfa Ganu Undebol sydd i'w chynnal yn Gellimanwydd Sul Nesaf, sef Sul y Blodau 17 Ebrill am 10.30 y bore a 5.30 yr hwyr. Yr arweinydd Gwadd fydd Mr Eifion Thomas, Llanelli, sef arweinydd Cor meibion Llanelli.

Drws Agored

2011-04-12T22:09:00.000+01:00

rhai o griw Drws Agored

Mae Drws Agored yn cyfarfod pob bore Dydd Iau yn Neuadd Gellimanwydd. Yno cewch gyfle i gyfarfod dros gwpanaid o de i gymdeithasu a chael clonc. Hefyd yn ystod y bore cawn fyfyrdod byr. Mae'r criw sy'n cwrdd ar fore Iau wedi bod yn hynod weithgar yn cyfrannu'n hael tuag at elusennau a mudiadau lleol. Mae'r rhoddion bore Iau yn casglu'n gyflym i fod yn £50 tuag at elusen lleol.

Gwefan Newydd Menter Ieuenctid Cristnogol

2011-04-06T19:32:00.002+01:00

Mae’n bleser gan Fenter Ieuenctid Cristnogol (M.I.C.) sir Gaerfyrddin eich hysbysu am fodolaeth ein gwefan newydd. Mae M.I.C.yn gweithio yn gyd enwadol ar draws sir Gaerfyrddin gyda’r bwriad o hyrwyddo gwaith a thystiolaeth yr efengyl ymhlith plant ac ieuenctid. Bydd y wefan newydd yn hwb i dystiolaeth M.I.C. ac yn gyfrwng mwy effeithiol o godi ymwybyddiaeth o’r hyn mae’r Fenter yn ceisio ei chyflawni. O hyn allan bydd gwybodaeth am bob digwyddiad a drefnir gan M.I.C. ar y wefan ynghyd a ffurflenni a thaflenni i’w lawr lwytho. Mae yno hefyd fap sy’n dangos enw a lleoliad pob eglwys sy’n perthyn i M.I.C. Carwn eich gwahodd felly i ymweld a’r wefan ar http://www.micsirgar.org/

Bedydd

2011-03-22T23:37:00.003Z

Yn ystod Oedfa fore Sul Ionawr 30 yn Ngellimanwydd bedyddwyd Elan Wyn Jones, merch Nia a Gareth Jones, Tycroes. Yna yn oedfa deuluol bore dydd Sul Mawrth 13 bedyddwyd Ifan Wyn Jones, mab Nerys a John Jones, Hopkinstown.

Mae Elan ac Ifan yn gefnder a chyfneither ac yn wyrion i Ann ac Wynford Jenkins, Rhodfa Brynmawr, Rhydaman. Dymunwn pob bendith I’r ddau fach

Gwasanaeth ar y thema ceiswyr lloches

2011-03-20T14:08:00.001Z

Bore Sul 20 Mawrth criw ACT oedd yn gyfrifol am y gwasanaeth boreol. Ceiswyr Lloches oedd y thema. Hyfryd oedd gweld cymaint yn Neuadd Gellimanwydd ar gyfer yr oedfa. Cawsom ein harwain drwy weddi, darlleniadau, emynau, caneuon, adroddiadau a sgetsus at yr angen am Noddfa arnom i gyd.

Diolch i bawb oedd yn gyfrifol am yr oedfa arbennig.

Ceiswyr Lloches a Ffoaduriaid

2011-03-17T23:26:00.002Z

Mae criw ACT yn cyfarfod yn fisol yn Neuadd Gellimanwydd, sef criw o aelodau ifanc Gellimanwydd, er does dim oedran penodol ar gyfer y criw.

Nos Iau diwethaf, 10 Mawrth, dan nawdd Criw ACT, cawsom noson arbennig yn y Neuadd. Daeth criw o bobl o Abertawe atom. Ceiwsyr lloches neu ffoaduriaid oedd y pobl a daethant atom i son am Abertawe fel dinas Noddfa "City of Sanctuary". Ein Cyn Weinidog y Parchg Dewi Myrddin Hughes oedd wedi creu'r cyswllt hwn a braf oedd cael croesawu Dewi atom i'n plith.

Yn ystod y noson cawsom gyngerdd anffurfiol gyda ein gwestwion yn cymryd rhan drwy ddarllen barddoniaeth, adrodd ychydig o hanes a chwarae Drymiau Affricanaidd. Yna daeth aelodau Gellimanwydd at eu gilydd i ganu ychydig o ganeuon traddodiadol Cymreig, a cawsom eitemau ar y piano gan Rhys Thomas.

Un o uchafbwyntiau'r noson oedd gweld plant Ysgol Sul Gellimanwydd, Mari, Elan a Dafydd yn chwarae'r drymiau gyda'r ymwelwyr.

Wedi'r adloniant cawsom gyfle i fwynhau pryd o fwyd blasus mewn ffurf bwffe bys a bawd oedd wedi ei baratoi gan aelodau Gellimanwydd.

Noson hyfryd gyda neges pwrpasol i ni gyd - mae Dinas Noddfa yn ymgyrch cenedlaethol o bobl lleol a grwpiau cymunedol yn gweithio gyda'i gilydd i wneud eu trefi a dinasoedd yn lefydd croesawgar, saff ar gyfer pobl sy'n cwhilio am noddfa rhag rhyfel neu erledigaeth.

CWRDD TEULUOL

2011-03-14T23:20:00.000Z

Cariad oedd testun yr Oedfa Deuluol bore Dydd Sul 13 Mawrth. Hyfryd oedd gweld y plant yn gwneud eu rhannau mor dda. Yn wir roedd nifer ohonynt yn cymryd rhannau blaenllaw am y tro cyntaf a phob un mor broffesiynol.

Hefyd cawsom y fraint o fod yn tystiolaethu bedydd (cewch fwy o wybodaeth am y bedydd wythnos nesaf).

Mrs Catrin Llywelyn, un o athrawon Ysgol Sul y Neuadd, oedd yn gyfrifol am y gwasanaeth.

Wedi'r oedfa cawsom gyfle i gymdeithasu drwy rannu cwpanaid o de yn y Neuadd.

Yn yr hwyr aeth aelodau Gellimanwydd draw i Gyrddau Pregethu'r Gwynfryn ble roedd y Parchg Ddr Geraint Tudur yn pregethu.

BANANA SPLIT ENFAWR MASNACH DEG

2011-03-12T20:05:00.001Z

Fel mae llawer yn gwybod mae aelodau o Gellimanwydd yn hynod weithgar gyda Clwb Hwyl hwyr, sef clwb Cristnogol ar gyfer plant oedran ysgol sydd yn cwrdd yn Neuadd y capel pob Nos Wener.
Ar Nos Wener 11 Mawrth yn hytrach na cwrdd yn y neuadd roedd aelodau'r clwb yn helpu adeiladu , a bwyta! y Banana Split Masnach Deg enfawr yn Arcade Rhydaman. Dyma'r trydydd flwyddyn i ni gynnal y banana split ac roedd eleni yn well nag un y llynedd.
I ddechrau roedd angen gosod y byrddau ar hyd yr arcade, yna y cafnau. Roedd angen leinio'r cafn gyda ffoil aliminiwm.
Wedi hyn daeth pobl ifanc y capeli a clybiau ieuenctid cristnogol y dref i dorri'r bananas a'u gosod ar hyd y cafn. Y peth nesaf i wneud oedd rhoi'r hufen ia, hufen a saws siocled ar y banana split.
Erbyn 6.15 roedd popeth yn barod i'w fwyta. Cafodd pawb lwy ac ar ol i Paul Griffiths ddweud ewch dechreuodd pawb i fwyta.
Yn ogystal roedd stondin yn gwerthu nwyddau ar gyfer diwrnod Y Trwynau Coch sydd i'w gynnal nos Wener nesaf.

Y GYMDEITHAS

2011-01-28T19:43:00.000Z

Ar Nos Fercher, 26 Ionawr, daeth criw da ynghyd ar gyfer noson o hwyl mewn ffurf cwis gan Edwyn Williams. Croesawyd pawb i'r Neuadd gan Mrs Mandy Rees, yna rhannwyd pawb i wahanol dimau. Roedd rowndiau ar newyddion, storiau o'r beibl, lluniau o'r ardal a cherddoriaeth.

Diolchodd Mandy Rees i Edwyn am noson hwylus.

Yna cawsom gyfle i gymdeithasu drwy rannu cwpanaid o de a pice ar y maen.

BLWYDDYN NEWYDD DDA

2011-01-09T19:00:00.000Z

Ar drothwy'r Flwyddyn newydd hoffai holl aelodau Gellimanwydd Ddymuno'n dda i bawb.

Cafodd y tywydd effaith ar ein gwasanaethau diwedd 2010 ac erbyn hyn rydym i gyd yn edrych ymlaen at nifer o ddigwyddiadau a gweithgareddau yn ystod 2011.

Mae'r ymarferion tuag at y Gymanfa wedi dechrau'n barod.

Hefyd mae Plant yr Ysgol Sul wrthi'n dechrau astudio ar gyfer y Cwis Beiblaidd Menter Ieuenctid Cristnogol Sir Gaerfryddin. Testynnau eleni yw Hanes Josua a Hanes Troedigaeth Paul ar gyfer yr oedran Cynradd a hanes Mair a Martha ac Atgyfodiad Lasarus ar gyfer yr oedran uwchradd.

CALENDR Y SULIAU - GWASANAETHAU 2011

2011-01-09T18:49:00.007Z

TREFN Y CYFARFODYDD Y SUL

Y Bore am 10.30: Gwasanaeth Addoli

Y Bore am 11.00 tan 11.45: Ysgol Sul y Plant

Yr Hwyr am 5.30: Gwasanaeth Addoli

Gwasanaeth y Cymundeb: Bore Sul cyntaf bob mis ac yn yr hwyr ambell fis.

CALENDR Y SULIAU 2010

RHAGFYR
4- Y Gweinidog. Cymun yn oedfa'r bore

11- y Gweinidog

18 - Gwasanaeth Nadolig ar y cyd a Moreia ym Moreia am 10.30 y bore
Prynhawn - Oedfa Nadolig Plant yr Ysgol Sul am 3.00 y prynhawn, ac yna Parti Nadolig i Bawb yn y Neuadd
25 - Bore yn unig - Y Gweinidog. Cymun Bore Dydd Nadolig am 8.30 y bore
.

IONAWR 2012
1 - Bore yn unig - Y Gweinidog: Oedfa Gymun
8 - Miss Ruth Bevan, Rhydaman
15 - Y Gweinidog. Cymun yn oedfa'r hwyr
22 - Y Gweinidog. Cymun yn oedfa'r hwyr
29 - Y Gweinidog

GWASANAETHAU NADOLIG

2010-12-07T13:31:00.001Z

Rhagfyr 19

Gwasanaeth Nadolig ar y cyd a Moreia yng Ngellimanwydd am 10.30 y bore

HWYR

Oedfa Nadolig y Plant a'r Ieuenctid - GWYL Y GOLEUNI

Rhagfyr 25

Y Gweinidog Cymun bore Nadolig am 8.30 y bore

OEDFA ARBENNIG

2010-10-20T08:33:00.000+01:00

Dydd Sul 17 Hydref cawsom oedfa arbennig yn y prynhawn yng Nghapel y Gwynfryn, Rhydaman. Yn ymuno ag aelodau’r Gwynfryn oedd Gellimanwydd a Moreia, Tycroes.

Mr Nigel Davies, Swyddog Mudiad Ieuenctid Caerfyrddin, oedd yn anerch. Dechreuodd y Gweinidog Y Parch Emyr Wyn Evans drwy weddi a darllen o’r beibl. Yna daeth aelodau o Clwb Hwyl Hwyr ymlaen i gymryd at y rhannau arweiniol, sef Lowri Wyn, Lowri Harries, Mari Llywelyn, Dafydd Llywelyn ac Elan Daniels.

Defnyddiodd Nigel Davies amryw gyfrwng i gyflwyno hanes Saul mewn ffordd hynod ddiddorol oedd yn apelio at bob oedran.

Gorffenwyd drwy weddi gan Y Parchg Dyfrig Rees, Gweindog Gellimanwydd a Moreia.

Wedi’r oedfa trefnwyd cwpanaid o de yn festri’r Gwynfryn. Roedd yn oedfa arbennig ac yn wir fendith fod yn bresennol.

Cadeirydd Panel Efengylu ac Ymestyn Allan

2010-10-14T18:37:00.000+01:00

Dymunwn yn dda i’r Parch. Dyfrig Rees, Heol Pontarddulais, Tycroes ar ei apwyntiad yn gadeirydd ‘Panel Efengylu ac Ymestyn Allan’ Undeb yr Annibynwyr Cymraeg. Prif waith y panel fydd sefyll ac oedi uwchben y modd gorau o annog ac ysgogi’r eglwysi i waith efengylu. Aelodau eraill y panel yw: Ryan Thomas, Jill-Hailey Harries, Iwan Jenkins, Eleri Davies a Geraint Tudur, Ysgrifennydd Cyffredinol yr Annibynwyr.

GWASANAETH DIOLCHGARWCH

2010-10-11T09:30:00.000+01:00

Cynhaliwyd ein Gwasanaethau Diolchgarwch eleni ar Sul 10 Hydref. Tro yr Oedolion oedd hi yn Oedfa'r Hwyr. Cawsom gyfel i ddiolch i'n Harglwydd Iesu am yr holl mae yn ei wneud drosom drwy ddarlleniadau, adroddiadau, canu emynau ac eitemau gan dri cor, sef cor merched, cor dynion a'r cor cymysg.

Cawsom wir fendith ac roedd yn wasanaeth arbennig.

Mae ein diolch yn fawr i Mrs Gloria Lloyd am ddysgu ac arwain y tri cor ac hefyd i Mr Cyril Wilkins am ei chynorthwyo a chyfeilio ar gyfer y tri. Hefyd diolch i'n gweinidog Y Parchg Dyfrig Rees am ein harwain yn ystod y gwasanaeth.

GWASANAETH DIOLCHGARWCH YR YSGOL SUL

2010-10-10T14:52:00.001+01:00

"Ffrindiau - Iesu'r Ffrind Gorau" oedd testun Gwasanaeth Diolchgarwch Plant yr ysgol Sul ar Fore Sul 10 Hydref. Dechreuwyd trwy weddi agoriadol ac yna ar ol canu'r emyn "Mae'r Arglwydd yn cofio y dryw yn y drain" daeth y plant ymlaen i gyflwyno eu bocsus esgidiau yn llawn anrhegion ar gyfer Operation Christmas Child. Hyfryd oedd gweld y bwrdd yn llawn bocsus esgidiau, a rheiny wedi eu haddurno mor bert.

Cawsom gyflwyniadau, darlleniadau a chanu.

Diolch i Elan, Sara Mai, Mari, William, Harri, Dafydd, Rhys, Nia, Macy a Catrin am eu cyfraniadau arbennig. Roedd y gwasanaeth yn wir fendith ac yn dangos ein gwerthfawrogiad o'r ffrind gorau gall unrhyw un ei gael sef Iesu.

"O rwy'n caru'r Iesu

am iddo fy ngharu i."

Clwb Hwyl Hwyr yn ail ddechrau - Tymor Nadolig 2010

2010-09-25T19:36:00.001+01:00

Mae Clwb Hwyl Hwyr wedi ail ddedchrau wedi seibiant dros yr haf. Ar Nos Wener, 24 Medi daeth Mr Nigel Davies, Swyddog Menter Ieuenctid Cristnogol (Mic) Sir Gaerfyrddin. Daeth criw da ynghyd i Neuadd Gellimanwydd i fwynhau’r noson.

Dechreuodd Mr Davies drwy adrodd hanes Gideon drwy gyfrwng Powerpoint a DVD. Yna chwaraewyd nifer o gemau cyffrous a gorffen drwy rannu poop a crisps. Roedd yn noson hwylus dros ben.
Clwb Cristnogol Cristnogol llawn hwyl ar gyfer disgyblion blynyddoedd 3 i 6 yw Clwb Hwyl Hwyr ac rydym yn cwrdd yn Neuadd Gellimanwydd bob Nos Wener yn ystod tymor yr ysgol.

Eleni hefyd rydym yn rhedeg Clwb yn arbennig ar gyfer plant ysgol uwchradd blynyddoedd 7-9 ar y Nos Wener cyntaf y mis. Y noson gyntaf oedd ar 1 Hydref pan cawsom Barti Pizza!

JOIO GYDA IESU

2010-08-27T06:52:00.000+01:00

MABOLGAMPAU YSGOLION SUL

2010-07-19T22:50:00.002+01:00

Fel yr adroddwyd yn y neges diwethaf cynhaliwyd rowndiau terfynol Mabolgampau Dan Do Ysgolion Sul / clybiau Cristnogol Sir Gaerfyrddin yng Nghanolfan Hamdden Caerfyrddin ar Nos Lun 19 Gorffennaf. GwnAeth tim oedran ysgol uwchradd Gellimanwydd cystal a'r tim cynradd a llwyddwyd pawb i ennill medal.

Unwaith eto - LLONGYFARCHIADAU I BAWB.

Yn ystod y flwyddyn ddiwethaf mae Menter Ieuenctid Cristnogol (M.I.C.) wedi bod yn brysur yn trefnu amrywiaeth eang o ddigwyddiadau ar gyfer Ysgolion Sul a chlybiau Cristnogol sir Gaerfyrddin. Daeth gwaith y tymor i derfyn gyda rowndiau terfynol mabolgampau dan do yng nghanolfan hamdden Caerfyrddin. Roedd y noson hon yn dilyn rowndiau rhagbrofol a gynhaliwyd yng nghanolfannau hamdden Castell Newydd Emlyn a Rhydaman.

Daeth tyrfa enfawr ynghyd i gefnogi’r achlysur ac roedd y ganolfan hamdden yng Nghaerfyrddin yn llawn i’r ymylon. Bu’r noson yn un llawn bwrlwm a chyffro wrth i blant ac ieuenctid, yn cynrychioli 23 o eglwysi, gymryd rhan yn y rowndiau terfynol.

MABOLGAMPAU YSGOLION SUL

2010-07-19T22:37:00.000+01:00

Nos Lun 19 Gorffennaf cynhaliwyd rowndiau terfynol y Sir o fabolgampau Dan Do ysgolion Sul / clybiau Cristnogol Sir Gaerfyrddin. Daeth tyrfa gref i Ganolfan Hamdden Caerfyrddin i gefnogi'r plant a cawsom noson yn llawn bwrlwm a hwyl.

Roedd y cystadleuthau yn cynnwys rhedeg, trac, tynnu rhaff a rasus cyfnewid ar gyfer pob oed. Dechreuwyd gyda'r oedran ysgol gynradd.

Gwnaeth pob un o blant Gellimanwydd yn arbennig o dda a llwyddwyd i ennill sawl medal.

LLONGYFARCHIADAU I CHI GYD.

Mabolgampau Dan Do

2010-07-08T21:06:00.000+01:00

Nos Lun 5ed Gorffennaf cynhaliwyd Mabolgampau Dan Do ar gyfer ysgolion Sul a chlybiau ieuenctid Cristnogol Dwyrain Sir Gaerfyrddin yn Neuadd Chwaraeon Rhydaman. Roedd y cystadleuthau wedi eu rhannu i ddau oed, sef Meithrin a blynyddoedd 2, a Cynradd blynyddoedd 3-6.

Roedd y cystadleuthau yn cynnwys rhedeg, rasus cyfnewid, taflu pel, naid hir, naid driphlyg, neidio cyflym, taflu pwysau a tynnu rhaff.

Gwnaeth pawb o dim Gellimanwydd yn arbennig o dda ac mae nifer yn mynd trwyddo i'r rowndiau terfynol, gan gynnwys timau rhedeg cyfnewid a'r tim tynnu rhaff.

Cynhelir y rowndiau terfynol y sir gan gynnwys cystadleuthau uwchradd yng Nghanolfan Hamdden Caerfyrddin ar Nos Lun 19 Gorffennaf.

TRIP YR YSGOL SUL

2010-07-03T22:38:00.000+01:00

Dydd Sadwrn 3 Gorffennaf aeth llond bws o aelodau a ffrindiau yr Ysgol Sul i Ddinbych y Pysgod. Gadawodd llond bws ohonom Gellimanwydd am 9.00 ac roeddem yn Ninbych y Pysgod am 10.15.[Image]Unwaith eto roedd y tywydd yn fendigedig a cawsom gyfle i fynd i'r traeth i fwynhau'r tywod a'r môr ac yr un mor bwysig y cyfeillgarwch a'r sgwrs. Roedd pawb wrth eu bodd yn chwarae rownderi, criced, adeiladu castell tywod, nofio yn y môr, bwyta brechdannau ac yfed te neu goffi ar y traeth. Diolch i Kevin o gwmni bysiau Gareth Evans am fynd a ni ac i Edwyn am y trefniadau.

Bwrlwm Bro Cylch Rhydaman

2010-06-23T23:47:00.001+01:00

Plant ac athrawon Ysgolion Sul dalgylch Rhydaman wnaeth ymgasglu yn Neuadd Gellimanwydd ar gyfer Bwrlwm Bro o dan drefniant Menter Ieuenctid Cristnogol (Sir Gaerfyrddin).

Yn ystod yr wythnosau diwethaf fe wnaeth Menter Ieuenctid Cristnogol (sir Gâr) gynnal Bwrlwm Bro mewn gwahanol ardaloedd ar draws y sir. Trefnwyd sesiynau yn Llangadog, Rhydaman, Tymbl, Caerfyrddin, Llwynhendy ynghyd ag oedfa Cymanfa’r Sul yn Saron, ger Llangeler. Cynhaliwyd Bwrlwm ardal Rhydaman yn Neuadd Gellimanwydd ar Ddydd Sul 20 Mehefin. Prif bwrpas y sesiynau hyn oedd calonogi a sbarduno gwaith yr Ysgolion Sul trwy roi cyfle llawn hwyl i blant ddysgu a chymdeithasu yng nghwmni ei gilydd.

Trwy gyfrwng amrywiaeth o weithgareddau a gemau daeth yr hanes am Jona a’i anturiaethau yn fyw ym mhrofiad y plant. Cafwyd llawer o hwyl wrth ddysgu am nodweddai cymeriad Duw fel un sy’n gyfiawn ac yn barnu drygioni, ond eto i gyd yn un sy’n llawn tosturi ac wrth ei fodd yn maddau i’r rhai sy’n galw ar ei enw. Y nod oedd gwneud yr Ysgol Sul yn achlysur llawn hwyl, heb golli golwg ar y prif bwrpas o gyflwyno efengyl Iesu Grist mewn ffordd syml, ddealladwy a pherthnasol ar gyfer heddiw. Pan ddaeth yn amser i ymadael roedd yn amlwg wrth wynebau llawen y plant eu bod wedi mwynhau`n fawr y profiad o gael uno gyda`i gilydd mewn dathliad cyfoes o`r ffydd.

GWASANAETH TEULUOL - MIS MAI

2010-05-20T22:02:00.001+01:00

Cynhaliwyd Gwasanaeth teuluol yn ystod oedfa boreol Sul 16 Mai dan arweiniad Edwyn Williams.

Ffydd oedd thema'r oedfa gyda Ffydd Abraham yn ganolog i'r gwasanaeth. Hefyd cawsom hanes Robert Jermain Thomas o Lanofer a aeth a Beiblau i wlad Korea. Wedi'r oedfa cawsom gyfle i gymdeithasu yn y Neuadd drwy rannu cwpanaid o de a bisgedi.

Ffydd ydy’r sicrwydd fod beth dyn ni’n gobeithio amdano yn mynd i ddigwydd. Mae’n dystiolaeth sicr o realiti beth dyn ni ddim eto’n ei weld.

BEDYDD THOMAS RHYS CLAYTON

2010-05-20T21:54:00.001+01:00

Yn ystod Gwasanaeth teuluol bore 16 Mai bedyddwyd Thomas Rhys Clayton mab Lowri.

Braf oedd gweld y capel yn gyffyrddus lawn i ddathlu a thystio bedyddio Rhys bach. Dymunwn, fel eglwys, pob llwyddiant ac hapusrwydd iddo i'r dyfodol.

"Yn wir rwy'n dweud wrthych, pwy bynnag nad yw'n derbyn teyrnas Duw yn null plentyn, nid â byth i mewn iddi.” Luc 18:17

DERBYN AELODAU NEWYDD

2010-04-04T15:54:00.000+01:00

Bore Dydd Sul Y Pasg, 4 Ebrill, cawsom oedfa arbennig yn Neuadd Gellimanwydd. Roedd Nia Mair Jeffers a Hanna Williams yn cael eu derbyn yn llawn aelodau yn yr eglwys.

Hyfryd oedd gweld y neuadd yn llawn (yn wir roedd angen mynd i nol rhagor o gadeiriau). Hyfryd hefyd oedd gweld trawstoriad oedran y gynulleidfa, roedd yno bobl o bob oed.

Cawsom bregeth bwrpasol, egniol gan ein gweinidog Y Parchg Dyfrig Rees ac yna cafodd Nia a Hanna eu derbyn yn aelodau o’r eglwys. Wedi hyn cawsom ein harwain at fwrdd y Cymun i gofio am aberth drud Iesu, ond hefyd y neges o lawennydd bod Duw wedi trechu angau ei hun.

“Ond cyfododd Duw ef, gan ei rhyddhau o wewyr angau, oherwydd nid oedd dichon i angau ei ddal yn ei afael.” – Actau 2:24

“Heddiw cododd Crist yn fyw,

Halelwia!”

Cymanfa Ganu undebol Rhydaman a’r Cylch

2010-03-28T19:54:00.002+01:00

Dydd Sul y Blodau, Mawrth 28ain 2010 cynhaliwyd y Gymanfa Ganu Undebol yng Nghapel Gellimanwydd, Rhydaman. Daeth aelodau a ffrindiau o gapeli Gellimanwydd, Y Gwynfryn, Moreia, Seion, Capel Newydd, Bethani, Gosen, Capel Hendre, Caersalem ac Ebeneser ynghyd i gymryd rhan yn y Gymanfa.

Yr Arweinydd oedd Mrs Helen Wyn, Brynaman. Mae Mrs Wyn yn adnabyddus fel arweinydd, yn gyn athrawes gerdd a bellach yn cynorthwyo gyda Cwmni Opera Ieuenctid Caerfyrdidn a Chôr Brynaman.

Mrs Gloria Lloyd oedd yn cyfeilio

Caersalem oedd yn llywyddu yn ystod oedfa’r bore, sef Gymanfa’r Plant a Gellimanwydd yn yr hwyr yn ystod Gymanfa’r oedolion.

Cawsom Gymanfa gwerth ei dathlu yng nghwmni Helen Wyn a oedd yn cael y gorau allan o'r plant a'r oedolion.

BEDYDDIO GWENAN A TOMOS REES

2010-03-25T21:43:00.001Z

Ar Fore Sul 28 Chwefror bedyddwyd plant Elen ac Alun Rees, sef Gwenan Mai a Tomos Glyn. Braf oedd gweld y capel yn gyffyrddus lawn i ddathlu a thystio bedyddio’r ddau fach. Dymunwn, fel eglwys, pob llwyddiant ac hapusrwydd i Gwenan a Tomos i'r dyfodol.

"Yn wir rwy'n dweud wrthych, pwy bynnag nad yw'n derbyn teyrnas Duw yn null plentyn, nid â byth i mewn iddi.” Luc 18:17

Mudiad Cenhadol Y Chwiorydd – Gellimanwydd, Gwynfryn a Moreia

2010-03-24T18:26:00.000Z

Cynhaliwyd oedfa Flynyddol Mudiad Cenhadol y Chwiorydd yng nghapel Gwynfryn, Rhydaman ar Fawrth 4ydd 2010. Daeth y llywydd newydd, sef Mrs Mairwen Lloyd, Gellimanwydd i’r gadair. Cymerodd Mrs Marjorie Rogers at drysordyddiaeth y Mudiad ar ôl marwolaeth annisgwyl Mrs Megan Griffiths.

Cafwyd anerchiad pwrpasol gan y parchg Emyr Gwyn Evans yn seiliedig ar y “Lili-Wen Fach” cyn gwinyddu’r cymun. Mrs Awen Harries yw ysgrifenyddes y Mudiad.

PYTHEFNOS MASNACH DEG

2010-03-08T15:06:00.000Z

Roedd aelodau Clwb Hwyl Hwyr, sef Clwb Cristnogol eglwysi Cymraeg Rhydaman yn cymryd rhan y y Banana Split enfawr yn yr Arcade ar Nos Wener 5 Mawrth.

Rhan o ddigwyddiadau Pythefnos Masnach Deg oedd hon. Dyma'r ail waith i ni adeiladu Banana Split enfawr ar hyd yr arcade ac roedd un eleni yr un mor fawr a llynedd.

Yn gyntaf roedd angen torri'r bananas a'u gosod ar y cafn, wedyn ychwanegu'r hufen ia, yr hufen a'r saws siocled - wedi hyn roedd pawb yn gafael mewn llwy a bwyta!!

Pa well ffordd i ddathlu Pythefnos Masnach Deg ac ar yr un pryd codi ymwybyddiaeth am nwyddau sy'n rhoi cyfle teilwng i'r ffermwyr a'r masnachwyr

BEDYDD

2010-03-02T19:25:00.000Z

Ar Fore Sul 28 Chwefror bedyddwyd plant Elen ac Alun Rees, sef Gwenan Mai a Tomos Glyn. Braf oedd gweld y capel yn gyffyrddus lawn i ddathlu a thystio bedyddio’r ddau fach.

Mae bedydd yn cyhoeddi fod Iesu wedi marw drosom ac ei fod wedi gwneud hynny cyn i ni gael ein geni. Mae Duw yn ein caru ni.

"Yn wir rwy'n dweud wrthych, pwy bynnag nad yw'n derbyn teyrnas Duw yn null plentyn, nid â byth i mewn iddi.” Luc 18:17

Y GYMDEITHAS - DATHLU GWYL DEWI - COR PERSAIN

2010-02-24T22:23:00.000Z

Nos Fercher 24 Chwefror Côr Persain oedd yn diddanu Cymdeithas Gellimanwydd yn ei dathliadau Gŵyl Dewi. Daeth aelodau’r Gymdeithas i Neuadd Gellimanwydd i ddathlu. Reodd pawb wedi dod a plat o fwyd i’w rannu a cawsom wledd drwy eu gosod allan mewn ffurf Bwffe.

Mr Brian Owen oedd Llywydd y noson a diolchodd i bawb oedd wedi paratoi ar ein cyfer. Yna cyflwynodd Brian yr adloniant am y noson sef Côr Persain dan arweiniad Anne Wheldon a David Rees yn cyfeilio. Côr merched lleol o ardal Tycroes a’r cylch yw Côr Persain. Cawsom noson hyfryd yn eu cwmni. Diolchwyd iddynt gan mr Arnallt James, Y Betws. Roedd pawb oedd yn bresennol yn datgan pa mor llwyddiannus oedd y noson.

CALENDR Y SULIAU - GWASANAETHAU

2010-01-31T09:45:00.010Z

TREFN Y CYFARFODYDD

Y SUL

Y Bore am 10.30: Gwasanaeth Addoli

Y Bore am 11.00 tan 11.45: Ysgol Sul y Plant

Yr Hwyr am 5.30: Gwasanaeth Addoli

Gwasanaeth y Cymundeb: Bore Sul cyntaf bob mis ac yn yr hwyr ambell fis.

CALENDR Y SULIAU 2010

HYDREF

3- Y Gweinidog

10- Cyrddau Diolchgarwch

17 - Y Gweinidog
24 - Y Parchg Alan John, Pontarddulais
31 - Y Gweinidog

TACHWEDD
7- Y Gweinidog. Cymun yn oedfa'r bore
14 - Cyrddau Pregethu - Y Parchg Gareth morgan Jones Pontardawe
21 - Y Gweinidog. Cymun yn oefa'r hwyr
28 - Bore: Y Parchg Derwyn morris Jones B.A., B.D. Abertawe
HWYR: Y Parchg Glan Roberts M. Th., Tycroes

RHAGFYR
5 - Y Gweinidog. Cymun yn oedfa'r bore
12 - Y Gweinidog
19 - Gwasanaeth Nadolig ar y cyd a Moreia yng Ngellimanwydd am 10.30 y bore
HWYR - Oedfa Nadolig y Plant a'r Ieuenctid
25- Y Gweinidog Cymun bore Nadolig am 8.30 y bore
26 - Oedfa ar y cyd a Moreia ym Moreia am 10.30 y bore

Y GYMDEITHAS - CWIS

2010-01-28T18:54:00.003Z

Nos fercher 27 Ionawr cawsom nos o hwyl a dyfalu yng nghwmni Edwyn Williams.

Roedd Edwyn wedi paratoi cwis cyfoes gan gynnwys rowndiau ar Newyddion, Ble yng Nghymru, Beth yw Hwn, Cerddoriaeth, Pwy yw'r Wyneb a Dyfalwch y Llyfr.

Roedd pedwar tim brwd yn cystadlu ac ar ddiwedd y noson, mewn cystadleuaeth agos dros ben y tim buddugol oedd - Mairwen Lloyd, Gwenfron Lewis, Linda Williams a Mandy Davies.

Llongyfarchiadau iddynt.

PARTI NADOLIG YR YSGOL SUL

2009-12-28T11:18:00.000Z

Yn hytrach na'r parti arferol yn Neuadd Gellimanwydd cawsom un gwahanol iawn eleni. Ar brynhawn dydd Mawrth 22 Rhagfyr aethom i Funsters, Capel Hendre ar gyfer parti Nadolig yr Ysgol Sul.

I ddechrau aeth y plant i chwarae ar y sglefren a'r pwll peli. Hefyd roedd lle chwarae arbennig i'r plant lleiaf. Yna aeth y plant i sglefrio ar y rinc ia sych.

Roedd Sion Corn yno mewn caban pren a cafodd pob plentyn anrheg ganddo.

Wedi'r chwarae cawsom de parti o selsig, chicken nuggets neu fish fingers a chips. Blasus iawn!!

Roedd pawb yn gytun ei bod yn ffordd arbennig llawn hwyl i ddathlu Parti Nadolig yr Ysgol Sul.

GWASANAETH NADOLIG YR YSGOL SUL

2009-12-21T10:26:00.002Z

Nos Sul 20 Rhagfyr am 5.30 cynhaliwyd Gwasanaeth Nadolig y plant a'r bobl ifanc. Roedd cynulleidfa niferus o aelodau a ffrindiau wedi dod ynghyd i ymuno yn yr addoli a'r dathlu.

Dechreuwyd trwy weddi gan Nia Rees. Mari Llywelyn oedd Arweinydd y Gwasanaeth. Plant yr Hen Destament oedd y thema. Cawsom hanes Dafydd fugail, Isaac, Samuel, Namaan a'i wraig a'i forwyn. Dafydd Llywelyn, Rhys Jones, Harri Jones, William Jones, Sara Mai ac Elan Daniels oedd yn actio'r cymeriadau.

Cawsom unawd gan Sara Mai. Hefyd roedd parti canu'r plant bach yn diddanu.

Annie Jones, Emily Jones a Rhys Daniels oedd yn cyhoeddi'r emynau.

Diolch i bawb a gymerodd ran ac yn enwedig i Miss Ruth Bevan am baratoi'r Gwasanaeth a dysgu'r plant.

Beth roddwn ni i drysor y crud,
blant pedwar ban y byd?
Canwn ein can, a rhoddwn bob pryd
foliant i Faban Mair.

GWASANAETH NADOLIG

2009-12-21T10:06:00.002Z

Bore dydd Sul 20 Rhagfyr cynhaliwyd Gwasanaeth Nadolig ar y cyd rhwng eglwysi Gellwimanwydd a Moreia, Tycroes yng Nghapel Moreia am 10.30 y bore.
A hithau yn fore hyfryd o aeaf ond cythreulig hyfryd oedd gweld y capel yn llawn. Cawsom oedfa ein harwain at wir ystyr y Nadolig drwy weddi, emynau, adroddiadau, unawdau ac eitemau gan dri côr.

Yna cawsom fyfyrdod gan ein gweinidog, Y Parchg Dyfrig Rees gan ganolbwyntio ar y neges heddwch mae geni'rIesu yn dod i'r byd.

Wedi'r oedfa cawsom gyfle i gymdeithasu gyda aelodau ein chwaer eglwys drwy rannu cwpanaid o de, mins peis, sgons a bara brith.

Canys bachgen a aned i ni,, mab a roed i ni:
A bydd yr awdurdod ar ei ysgwydd.
Fe’i gelwir,
Cynghorwr Rhyfeddol Duw cadarn Tad bythol Tywysog heddychlon

Eseia 9:6

Cwis Beiblaidd

2009-12-01T20:10:00.002Z

Ym mis Medi eleni ffurfiwyd Menter Ieuenctid Cristnogol (M.I.C.) mewn ymateb i ddymuniad gan eglwysi anghydffurfiol sir Gaerfyrddin am gefnogaeth i ddatblygu gwaith ymhlith plant ac ieuenctid. Prif nod y Fenter newydd yw hybu tystiolaeth yr efengyl ymysg yr ifanc a hynny mewn ffyrdd cyfoes a pherthnasol ar gyfer ein hoes.

Yn ddiweddar, trefnwyd cwis Beiblaidd ar gyfer plant ac ieuenctid sir Gaerfyrddin gyda rowndiau rhagbrofol yn arwain fyny at rownd derfynol. Mewn cyfnod pan fod gwybodaeth Feiblaidd yn rhinwedd prin yn ein cymdeithas, mor wych oedd hi i weld plant a phobl ifanc ar draws yr ystod oedran o 6 i 17 oed yn cymryd rhan gyda brwdfrydedd. Defnyddiwyd yr offer diweddara gan gynnwys PowerPoint, bysyrs electronig a meicroffonau gan roi delwedd broffesiynol a chyfoes i’r achlysur.

Yn y rownd derfynol trefnwyd y cwis ar ffurf y rhaglen deledu boblogaidd, “Who Wants To Be A Millionaire?” Cafwyd cystadleuaeth ddifyr a hynod o gyffrous, heb sôn am y tensiwn, wrth i rai timoedd gyrraedd lefel uchel ac wrth i’r ffôn symudol gael ei ddefnyddio i ymgynghori gyda nifer i ffrind.

Y Rownd Derfynol
Yn cymryd rhan yn y rownd derfynol oed cynradd oedd:
Providence, Llangadog (Dwyrain sir Gâr)
Clwb Hwyl Hwyr, Rhydaman (Dwyrain sir Gâr)
Clwb Plant Y Brenin, Caerfyrddin (Gorllewin sir Gâr)
Ysgol Sul Hermon (Gorllewin sir Gâr)

Yn cymryd rhan yn y rownd derfynol oed uwchradd oedd:
Calfaria, Penygroes (Dwyrain sir Gâr)
Clwb Hwyl Hwyr, Rhydaman (Dwyrain sir Gâr)
Penuel, Caerfyrddin (Gorllewin sir Gâr)
Y Babell, Pensarn (Gorllewin sir Gâr)

Cael hwyl wrth gymryd rhan oedd y peth mawr, ond yn sgìl hynny, mae`n amlwg bod y plant a’r bobl ifanc wedi dysgu llawer, a gobeithio magu blas tuag at Air Duw. Daeth Tîm Uwchradd Clwb hwyl hwyr yn ail yn y rownd derfynol.

Cyflwynwyd gwobr i bawb wnaeth gymryd rhan yn y cwis gyda thlysau sialens a thlysau unigol i’r timoedd hynny wnaeth gyrraedd y brig.

Dymuna M.I.C. nodi gwerthfawrogiad o`r defnydd a gafwyd o’r capel a’r festri yn Y Priordy, Caerfyrddin dros ddwy noson ac o garedigrwydd chwiorydd y capel i ddarparu lluniaeth ar gyfer y timoedd. Diolch hefyd i’r Cyngor Ysgolion Sul am y defnydd o’r bysyrs electronig ac i llogioffer.com am ddarparu’r meicroffonau a’r sytem sain. Y fenter nesaf a drefnir gan M.I.C bydd gwersyll i blant blynyddoedd 4-7 yn ystod hanner tymor, sef Chwefror 15fed - 17eg 2010. Am fanylion pellach neu ffurflen gofrestru cysylltwch â Nigel Davies ar (01994)230049 neu e-bost mic@uwclub.net

BEDYDD

2009-11-15T22:40:00.003Z

Yn yr oedfa foreol Dydd Sul 15 Tachwedd bedyddwyd Griffyn Lloyd Lewis, mab Fiona a Jeremy Lewis a wyr Mairwen a Wyn Lloyd, Maesycware, Y Betws. Mae Fiona yn ferch i Mairwen a Wyn.

Mae'r teulu yn byw yn Wellington, Seland Newydd. Hyfryd oedd cael gweld Griff yn cael ei fedyddio yng Ngellimanwydd cyn i'r teulu ddychwelyd yn ol i Seland Newydd.

"Yn wir, rwy'n dweud wrthych, pwy bynnag nad yw'n derbyn teyrnas Dduw yn null plentyn, nid a byth i mewn iddi. A chymerodd hwy yn ei freichiau a'u bedyddio, gan roi ei ddwylo arnynt."

Marc 10:15-16

Cymorth Cristnogol

2009-11-15T17:09:00.004Z

Cynhaliwyd cwis blynyddol Cymroth Cristnogol tref Rhydaman ar Nos Wener 13 Tachwedd yn Neuadd Gellimanwydd. Er gwaethaf y tywydd stormus y tu fas daeth chwech Capel ac Eglwys i gystadlu.

Roedd nwyddau Traidcraft a cardiau Nadolig Cymorth Cristnogol ar werth.

Edwyn Williams oedd y cwisfeistr a cafwyd noson llawn hwyl yn ceisio ateb yr amryw gwestiynau.

Tim Gellimanwydd oedd yn fuddugol, sef y Parchg Dyfrig Rees, Mandy Rees, Mairwen Lloyd, Gwenfron Lewis ac Arnallt James. Llongyfarchiadau iddynt.

Diolch i bawb am drefnu noson hwylus arall yng nghalendr gweithgareddau Cymorth Cristnogol yn y dref. Wedi'r cystadlu cawsom gyfel i sgwrsio dros gwpanaid o de a bisgedi.

CYRDDAU PREGETHU

2009-11-10T22:40:00.002Z

Dydd Sul 8 Tachwedd cynhaliwyd ein cyrddau Pregethu pan ddaeth y Parchg Ieuan Davies B.A., B.D., Waunarlwydd atom.

Cawsom wir fendith yn ei gwmni yn ein cwrdd boreol ac oedfa'r nos.

Mae Y Parchg Ieuan Davies yn enedigol o ardal y Tymbl. Cafodd ei sefydlu'n Weinidog yn 1965 mae wedi bod yn gweinidogaethu mewn sawl capel gan gynnwys Caernarfon a Llundain.

Yn ystod oedfa'r bore cawsom stori i'r plant am wal yn ei dy ble mae marciau arni yn cofnodi taldra'r wyrion. Mae un marc arni yn cofnodi taldra tedi. Esboniodd y Parchg Ieuan Davies i'r plant mai trwy ddod i'r ysgol Sul eu bod nid yn unig yn tyfu mewn taldra ond hefyd eu bod yn tyfu mewn daioni. Yna cafodd pawb i ganu'r geiriau

"Dysg i'm dyfu mewn daioni.

Fel y tyfaist Ti

Buost Ti'n blentyn heini

Fel myfi

O na bawn ni fel Efe."

CYMDEITHAS - DRAMA

2009-11-10T22:11:00.004Z

Nos Fercher 4 Tachwedd daeth Cwmni Drama y Gwter Fawr atom i'r Gymdeithas i gyflwyno dwy ddrama sef "Corfu" a "Domino".

Braf oedd gweld y neuadd yn gyfforddus lawn. Cawsom noson bleserus dros ben gyda dwy ddram llawn hiwmor ac ambell i gyffyrddiad teimladwy iawn. Mel Morgans oedd cyfarwyddwr y ddrama gyntaf , sef Corfu ac Anne Walters yr ail sef Domino.

Hanes gwr a gwriag yn mynd ar wyliau oedd y gyntaf, gyda'r gwas yn chwarae rhan allweddol. Yn yr ail cawsom hanes noson ymarfer domino rhwng pedair wraig weddw oedd yn aelodau o'r gangen leol o Ferched y Wawr.

Diolch i bawb am drefnu noson lwyddiannus arall yng nghalendr Cymdeithas Gellimanwydd.

GWASANAETH DIOLCHGARWCH

2009-10-17T07:21:00.005+01:00

Cynhaliwyd cyrddau Diolchgarwch Gellimanwydd ar ddydd Sul Hydref 11.
Eleni roedd dwy o ffenestri’r capel wedi eu haddurno gan y plant er mwyn dangos beth hoffent ddiolch i Dduw amdano. A hithau yn ddiwrnod cenedlaethol i ddathlu bywyd T.Llew Jones ar 9 Hydref addas iawn oedd addurno un o’r ffenestri gyda ei waith.Hefyd mae dau o wyrion T. Llew Jones yn aelodau o ysgol Sul y Neuadd, sef Dafydd a Mari Llywelyn.
Roedd yr ail ffenest yn cynnwys eitemau megis bat criced, pel rygbi, Nintendo Wii, llun o cwningen a nifer o bethau eraill.
Cawsom wasanaeth hyfryd yn y bore dan arweiniad plant yr Ysgol Sul. Wedi’r oedfa aethom i gyd i’r neuadd i rannu cwpanaid o de a bisgedi. Yn y nos cawsom Oedfa Ddiolgarwch yr oedolion. Unwaith eto hyfrydwch oedd gweld cymaint yn y gynulleidfa. Cawsom eitemau gan y côr merched, côr dynion a’r côr cymysg, a diolch i Mrs Gloria Lloyd am ei holl waith yn hyfforddi’r partion a Mr Cyril Wilkins yn ei chynorthwyo. Yn ogystal cawsom ynghyd a darlleniadau ac adroddiadau ac anerchiad pwrpasol gan ein Gweinidog y Parchg Dyfrig Rees.

Cyngor Eglwysi Rhyddion Rhydaman

2009-10-09T22:48:00.002+01:00

Nos Lun 5 Hydref roedd Y Parchg Geraint Tudur, Ysgrifennydd Undeb yr Annibynwyr Cymraeg, yn annerch Cyfarfod Cyngor Eglwysi Rhyddion Rhydaman yn Neuadd Gellimanwydd.
Testun ei gyflwyniad oedd “Bywiogi Pethau”. Cawsom araith bwrpasol a diddorol ganddo yn rhoi llawer o syniadau ymarferol ar sut y gallwn ni wneud y newid sydd ei angen yn ein capeli.
Pwysleisiodd Y Parchg Geraint Tudur mai eisiau i ni yr aelodau i fod yn ymarferol a gweithgar yw’r ateb. Mae angen cynllun cyraeddadwy, mesuradwy a realistig.
Diolchwyd iddo ar ran yr Eglwysi Rhyddion gan Mrs Margaret Jones, Y Gwynfryn.

SWPER DIOLCHGARWCH

2009-10-02T21:39:00.004+01:00

Nos Fercher 30 Medi cynhaliwyd Swper Diolchgarwch y Gymdeithas. Y gwesteion oedd Y Canon a Mrs John Gravell. Llywydd y noson oedd Miss Rowena Fowler.
Braf oedd gweld cymaint wedi dod i fwynhau’r wledd. Roedd y byrddau wedi eu addurno gyda blodau hyfryd a cawsom fwyd heb ei ail wedi ei baratoi gan chwiorydd y Gymdeithas. Wedi’r prif gwrs o ham tatws a salad cawsom ddarten afal a hufen ac yna chwpanaid o de. Roedd pawb wrth eu bodd yn mwynhau’r bwyd a’r gymdeithas felus.

Cawsom araith hynod bleserus a phwrpasol gan y Canon John Gravell am y cynaeafau a fu a’i atgofion fel plentyn adeg y cynhaeaf. Yn wir roedd yn dod ag atgofion melus i bob un ohonom oedd yn bresennol.
Diolchwyd iddo gan Mrs Margaret Reagan

SWPER DIOLCHGARWCH

2009-10-02T21:36:00.003+01:00

Cawsom noson hyfryd yng nghwmni Y canon John Gravell yn dathlu ein swper diolchgarwch.

SWPER DIOLCHGARWCH

2009-10-02T21:26:00.003+01:00

Cawsom noson hyfryd yng nghwmi'r Canon John Gravell i ddathlu ein swper diolchgarwch.

DATHLU 25 MLYNEDD YN Y WEINIDOGAETH

2009-09-27T16:11:00.006+01:00

Mr Norman Richards, Llywydd Pwyllgor yr Ofalaeth ynghyd a'r Parchg Dyfrig Rees a Mrs Mandy Rees a'u meibion, Rhodri a Rheinallt

Ar Sul hyfryd a heulog o Fedi daeth aelodau Gellimanwydd, Rhydaman a Moreia, Tycroes ynghyd i ddathlu 25 mlynedd y Parchg Dyfrig Rees yn y weinidogaeth.
Felly roedd Oedfa Foreol Sul 20 Medi 2009 yn un arbennig iawn yng Ngellimanwydd. Nid yn unig oedd ein ffrindiau o 'n chwaer eglwys Moreia Tycroes yn ymuno a ni ar gyfer oedfa ar y cyd ond hefyd roedd yn gyfle i'r ddwy eglwys ddiolch i'r Parchg Dyfrig Rees am 25 mlynedd o wasanaeth fel gweinidog yr Efengyl.

Y peth anodda oedd cadw'r gyfrinach oddi wrth y Gweinidog. Tybiau e' mai gwasanaeth ar y cyd oedd hwn, fel y cawn o bryd i'w gilydd gyda phaned yn dilyn yr oedfa. Ond roedd chwiorydd Moreia a Gellimanwydd wedi trefnu lluniaeth ysgafn ac roedd Mrs Mandy Rees, gwraig y Gweinidog, wedi trefnu cacen arbennig ar gyfer yr achlysur.

Braf oedd gweld y capel yn llawn ar gyfer yr achlysur. Cawsom oedfa fendthiol gan ein Gweinidog.

Wedi'r oedfa aethom i gyd i'r Neuadd ble roedd gwledd yn ein haros. Cafodd y bwyd ei weini gan chwiorydd Moreia a Gellimanwydd.

Cyflwynodd Mr Norman Richards, Llywydd yr Ofalaeth, rodd ar ran y ddwy eglwys i'n Gweinidog fel arwydd o'n gwerthfawrogiad o'r gwasanaeth mae'r Parchg Dyfrig Rees wedi ei roi i'r weinidogaeth a'r holl mae'n ei wneud i ni yng Ngellimanwydd a Moreia.

Yna aeth Mr Rees a'i wraig Mrs Mandy Rees i'r blaen ar gyfer torri'r gacen hyfryd.

Cafodd Mr Rees ei ordeinio yn Llanbrynmair ac yna wedi sawl blwyddyn gadawodd mwynder Maldwyn am Gwm Gwendraeth, bro ei febyd, cyn dod atom ni i'r ofalaeth hon bron i ddeng mlynedd yn ol. Mae yn uchel iawn ei barch ym mysg yr aelodau a'i gydnabod, yn bregethwr huawdl a graenus ac yn fugail ffyddlon.

Dymunwn yn dda iddo a'i deulu, a gweddiwn y caiff flynyddoedd lawer o iechyd a nerth i wasanaethu'r Arglwydd a pleser arbennig oedd i bawb oedd yn bresennol gael ymuno yn y dathliadau.

CYMDEITHAS GELLIMANWYDD

2009-09-27T16:04:00.004+01:00

Mae tymor newydd y Gymdeithas yn dechrau Nos Fercher 30 Medi gyda Swper Diolchgarwch Y gwesteion fydd y Canon a Mrs John Gravell. Pris y bwyd fydd £3.00
Croeso cynnes i bawb.

Yna bydd y tymor yn parhau gyda'r nosweithiau canlynol:

28 Hydref
Taith drwy Ganeuon Ffydd o dan arweiniad y Gweinidog.

25 Tachwedd
Noson gyda Band Pres Iau Rhydaman

27 Ionawr
Noson Gwis o dan ofal Mr. Edwyn Williams

24 Chwefror
Dathlu Gŵyl Ddewi, Gwesteion - Côr Persain. Pris y bwyd £3.00

A byddwn yn cloi ein tymor drwy gynnal Cygnerdd mawreddog yn Neuadd Gellimanwydd ar 31 Mawrth.

TRIP Y GYMDEITHAS - TREFYNWY

2009-09-08T22:29:00.004+01:00

Dydd Sadwrn 3 Medi aeth llond bws o aelodau a ffrindiau Cymdeithas Gellimanwydd ar ein trip blynyddol.

Fourteen Locks ger Rogerstone, Casnewydd, oedd y gyrchfan gyntaf ble cawsom saib fechan am gwpanaid o de a sgon. Cafodd ambell un frechdan cig moch bendigedig. Canolfan Treftadaeth yw Fourteen Locks, ble mae, fel yr enw yn dweud, 14 o lifdorau ar y system gamlas Trefynwy. Yn wir mae'n un o ryfeddodau system gamlas Prydain.

Yna ymlaen i Abaty Tyndyrn, sef yr Abaty Cisterniaidd yn Nyffryn Gwy. Cafodd ei sefydlu ar 9 Mai 1131 gan Walter de Clare, arglwydd Casgwent.

Trefynwy oedd ein prif gyrchaf a cawsom ychydig oriau yno i gael tamaid bach o ginio, crwydro'r strydoedd a gwneud ychydig o "retail therapy".

Ymlaen wedyn i Brynbuga (Usk) am swper bendigedig.

Diolch yn fawr iawn i Mrs Mandy Rees ein hysgrifenyddes a Marion Morgan ein trysorydd ynghyd a'n Gweinidog Y parchg Dyfrig Rees am yr holl drefniadau.

Menter Ieuenctid Cristnogol (Sir Gâr)

2009-08-25T23:26:00.000+01:00

Mae Menter newydd sy’n darparu ar gyfer plant ac ieuenctid wedi eu sefydlu gan eglwysi anghydffurfiol sir Gaerfyrddin. O fis Medi ymlaen bydd Menter Ieuenctid Cristnogol (M.I.C.) yn trefnu gweithgareddau ac yn darparu adnoddau a chefnogaeth i eglwysi yn eu cenhadaeth ymhlith plant a phobl ifanc. Y person sydd wedi ei benodi i arwain y gwaith yw Mr Nigel Davies.

Bu Nigel yn Bennaeth Adran Addysg Grefyddol ym Mhorth Tywyn am 5 mlynedd cyn iddo symud i weithio gyda Chyngor Ysgolion Sul Cymru, a chofiwn ei waith arbennig yno am 17 mlynedd. Am y tair blynedd diwethaf bu’n swyddog plant/ieuenctid gyda Menter Cydenwadol Gogledd Myrddin. Bu’n fawr ei barch gyda’r Fenter ac mae wedi ymdrechu, gyda llwyddiant clodwiw, i godi proffil yr Ysgol Sul, ac wedi llafurio yn ddi-baid i rannu’r Newyddion Da mewn amrywiol ffyrdd ymhlith plant ac ieuenctid. Y mae rhestr yr hyn a gyflawnwyd yn rhy fawr i`w cynnwys yma ond wrth i’r gwaith ymestyn ar draws sir Gaerfyrddin bydd cyfle i bob eglwys ac enwad elwa o’r hyn fydd gan M.I.C. i’w gynnig.

Prif nod M.I.C. bydd hybu gwaith a thystiolaeth yr efengyl ymhlith plant ac ieuenctid y sir a hynny mewn ffyrdd cyfoes a pherthnasol ar gyfer ein hoes. Bydd amrywiaeth o weithgareddau llawn hwyl a chyffro yn cael eu trefnu gan gynnwys digwyddiadau cymdeithasol fel cystadlaethau pêl droed, pêl rwyd a mabolgampau yn ogystal â digwyddiadau fel Bwrlwm Bro, gwersylloedd ac oedfaon cyfoes fydd yn cymell yr ifanc i ystyried galwad Duw ar eu bywyd. Bydd y Fenter yn ymdrechu i gyfleu i’r ifanc y gred bod Cristnogaeth yn ymwneud a phob agwedd o fywyd ac nid yn unig mynychu oedfaon ar y Sul.
Mae gwahoddiad agored i gapel / eglwys o unrhyw enwad o fewn sir Gaerfyrddin i berthyn i’r Fenter. Bydd yr eglwysi hynny sy’n cofrestru yn cael gwybodaeth gyson am bob digwyddiad fydd yn cael ei drefnu a byddant yn medru elwa o gefnogaeth bersonol yn eu sefyllfa leol. Mewn amgylchiadau ble mae yna eglwysi heb blant nac ieuenctid, mae gwahoddiad iddynt ymuno â M.I.C. fel aelodau cyswllt. Byddant yn derbyn Llythyr Newyddion / Gweddi tair gwaith y flwyddyn yn cynnwys lluniau a chrynodeb o’r hyn sydd wedi cymryd lle a manylion am ddigwyddiadau sydd i ddod gyda chyfle i weddïo dros y gweithgareddau hynny.

Mae pwyllgor llywio cydenwadol wedi ei ffurfio i gefnogi’r gwaith. Y cadeirydd yw Y Parchg Tom Defis (Cymorth Cristnogol) a’r ysgrifennydd yw Y Parchg Eurof Richards (Pont-henri). Mewn dyddiau pan fod Cristnogaeth ar drai yn ein gwlad a nifer yr ieuenctid sy’n mynychu capel ac eglwys yn brin, dyma gyfle delfrydol i eglwysi i ymateb i’r her sy’n eu hwynebu trwy fuddsoddi mewn cenhadaeth gartref. Mae M.I.C. yn bodoli er lles plant ac ieuenctid sir Gâr ac i gydweithio gyda’r eglwysi er mwyn i bobl ifanc yr oes hon gael y cyfle i glywed ac i ymateb i wahoddiad efengyl yr Arglwydd Iesu Grist.

PARTI DATHLU MENTER CYD-ENWADOL GOGLEDD MYRDDIN

2009-07-15T22:44:00.006+01:00

Mr a Mrs Nigel Davies, yn derbyn rhodd ar ran aelodau Menter Cyd-enwadol Gogledd Myrddin yn gydnabyddiaeth am ei waith fel Swyddog Ieuenctid dros y dair blynedd diwethaf. Yn y llun hefyd mae cynrychiolwyr o'r ysgolion Sul a Swyddogion y Fenter.

Roedd Neuadd Gellimanwydd yn llawn nos Fercher 15 Gorffennaf ar gyfer Parti Dathlu Menter Cyd -enwadol Gogledd Myrddin. Cyfle i ddathlu tair mlynedd o waith diflino Mr Nigel Davies, Swyddog Ieuenctid y Fenter oedd y noson yn bennaf. Hyfryd oedd gweld y neuadd yn llawn.
Cawsom air o groeso gan Gadeirydd y Fenter, sef Mr Mel Morgans. Yna aeth pawb at y byrddau i ddewis eu bwyd allan o'r bwffe arbennig oedd wedi ei baratoi gan gegin fach y Wlad.
Wedi i bawb lewni eu boliau a chael cyfle i gymdeithasu cawsom ein diddannu, yn blant, ieuenctid ac oedolion gan Rosfa'r Consuriwr, sef y Parchg Eirian Wyn, Gweinidog Seion Newydd, Treforus.

Roedd Rosfa ar ei orau yn cael ymateb arbennig gan y plant. Hyfryd oedd gweld a chlywed eu gwerthfawrogiad o'r "hud a lledrith" yn y triciau.

Cyflwynwyd rhodd i Mr Nigel Davies am ei waith a blodau i Mrs Sian Davies, ei briod. Dymunwyd yn dda i Nigel Davies yn y dyfodol pan mae'r Fenter yn ehangu i fod yn Fenter Cyd-enwadol Sir Gaerfyrddin. Bydd yn fwy prysur nag erioed yn calonogi gwaith Ysgolion Sul y Sir trwy roi cyfle llawn hwyl i blant gymdeithasu a dysgu yng nghwmni ei gilydd a chyflawni amcan yr Ysgol Sul o gyflwyno efengyl Iesu Grist mewn ffordd syml, ddealladwy a pherthnasol ar gyfer heddiw.

MABOLGAMPAU

2009-07-10T20:23:00.004+01:00

Nos Fercher 8 Gorffennaf cynhaliwyd mabolgampau Menter Cyd Enwadol Gogledd Myrddin yn ysgol Dyffryn Aman.

Roedd y neuadd yn llawn bwrlwm a braf oedd gweld cymaint o gapeli yn cystadlu. Roedd dros 10 capel yno. Dechrwuwyd y noson drwy gynnal rasus y plant lleiaf, sef meithrin, derbyn a blwyddyn 1 a 3.

Ymysg y cystadleuthau maes roedd taflu pel am yn ol, naid hir, neidio cyflym, taflu pwysau, a naid driphlyg.

Tim Gellimanwydd oedd Catrin, Macy, Rhydian, Rhys, Harri, Dafydd, Nia, Elan a Mari.

Roedd y noson yn lwyddiant ysgubol ac yn wir Fwrlwm gyda'r plant yn mwynhau'r noson yn arw. Unwaith eto diolch i Mr Nigel Davies am drefnu'r holl noson. Y gweithgaredd nesaf fydd Parti Dathlu Menter Cyd Enwadol Gogledd Myrddin yn Neuadd Gellimanwydd ar 15 Gorffennaf.

TRIP YSGOL SUL

2009-07-05T22:07:00.003+01:00

Ar Ddydd Sadwrn 4 Gorffennaf aeth llond bws ohonom i Ddinbych y Pysgod ar drip blynyddol y Capel a'r ysgol Sul.

Er gwaethaf y tywydd yn Rhydaman wrth adael, sef cawodydd o law, cawsom dywydd llawer gwell na'r rhagolygon. Roedd hi'n ddiwrnod braf yn Ninbych y Pysgod fel roedd croen rhai ohonom yn ei ddangos ar ddiwedd y dydd wedi i ni gael lliw haul.

Dechreuodd rhai drwy fynd am gwpanaid o goffi cyn mentro i'r traeth. Manteisiodd eraill ar gyfle i siopa yn y dref. Wrth gwrs yn syth i'r traeth oedd bwriad y plant. Treuliwyd dirwnod hyfryd yn nofio, adeiladu a tyllu yn y tywod, chwarae gemau o griced a rownderi, neu manteisio ar y cyfle i ddarllen a cyfeillachu ar "ddeck chair" ar y traeth.

Hyfryd oedd cael cwmni ein gilydd i rannu sgwrs melys ar y "deck chairs". Hefyd hyfryd oedd clywed cymaint o Gymraeg ar y traeth a strydoedd y dref gyda nifer o Gapeli, gan gynnwys Capel Hendre, Hope, Pontarddulais a Capel y Nant, Clydach, yn gwneud yr union yr un fath a ni a dod i Ddinbych y pysgod am drip Ysgol Sul . Cyn troi am adref roedd rhaid archebu pysgod a sglodion i wneud y diwrnod yn gyflawn.

Mae nifer yn siarad am drip y flwyddyn nesaf yn barod.

OEDFA UNDEBOL MOREIA, TYCROES

2009-07-05T21:01:00.004+01:00

Braf oedd gweld cymaint yn y gynulleidfa yn ein chwaer Eglwys, Moreia, Tycroes ar gyfer ein oedfa ar y cyd bore Sul 5 Gorffennaf.

A hithau yn Sul cytnaf y mis roedd gennym Oedfa Gymun. Ein Gweinidog Y Parchg Dyfrig Rees oedd yn pregethu a cawsom ganddo neges grymus yn dangos mai neges yr Efengyl sydd yn bwysig a bod pawb, beth bynnag fo'n cefndir a'n tras, eisiau yr un peth - sef cael byw a derbyn cariad Iesu Grist.

Hefyd atgoffodd Y Parchg Dyfrig Rees ni bod y neges tu ol i'r groes yn wir "Dunamis".

Yna gweinyddwyd y Cymun bendigaid gan ein gweinidog.

Wedi'r oedfa cafodd pawb gyfle i gymdeithasu yn Festri Moreia drwy rannu cwpanaid o de.

"Nid i fedyddio yr anfonodd Crist fi, ond i bregethu'r Efengyl, a hynny nid a doethineb geiriau, rhag i groes Crist golli ei grym." 1 Corinthiaid 1:17

CYFARFOD PREGETHU - Y PARCHG R. ALUN EVANS

2009-06-18T17:08:00.002+01:00

Braint ac anrhydedd oedd cael croesawu Y Parchg Ddr R. Alun Evans, B.A. Caerdydd atom ar ddydd Sul 14 Mehefin ar gyfer ein Cyfarfodydd Pregethu.

Mae R. Alun Evans yn wyneb cyfarwyd di ni gyd ac rydym yn gwybod am ei waith diflino fel Gweinidog ac ym myd yr Eisteddfod Genedlaethol a'r "Pethe" yn gyffredinol.

Yn ystod y bore defnyddiodd Y Parchg R. Alun Evans arian fel symbyliad i'w stori i'r plant gan gynnig iddynt naill ai papur £10 punt o arian prydeinig neu papur $10,000 o ddoleri Zimbabwe. Wrth gwrs roedd y plant i gyd eisiau 10,000 o ddoleri tan i R. Alun Evans ddweud mai dim ond hanner torth fyddai hynny yn ei brynu. Y neges oedd bod ei bod yn anodd rhoi gwerth ar arian papur ond bod ein plant werth y byd.

APEL DE AFFRICA - GWEITHGAREDDAU

2009-06-14T00:07:00.001+01:00

Fel rhan o gyfraniad Capel Gellimanwydd i Apel Undeb yr Annibynwyr Cymraeg tuag at De Affrica trefnwyd bore o weithgareddau ar ddydd Sadwrn 13 Mehefin. Daeth nifer dda ynghyd i'r Neuadd.
Roedd rhai yn golchi ceir. Eraill yn manteisio ar y stondin gacennau ar gyfer cael rhywbeth melys i gyd fynd a'r cwpanaid o goffi neu te a ddarparwyd ar ein cyfer.
Un gweithgaredd arall oedd yn lwyddiant arbennig oedd darllen allan o Efengyl Marc am awr. Roedd rhai wedi sicrhau noddwyr ar gyfer y darllen. Yn wir roedd yn fendith cael cymryd rhan yn y darlleniad.

Unwaith eto roedd yn bleser cael bod yn rhan o'r gymdeithas yn y Neuadd a hynny tuag at achos da.

"Y mae'r heuwr yn hau'r gair... Marc4:14
A dyma'r rheini a dderbyniodd yr had ar dir da: y maent hwy yn clywed y gair ac yn ei groesawu, ac yn dwyn ffrwyth hyd ddeg ar hugain a hyd drigain a hyd ganwaith cymaint." Marc4:20

TRIP Y CAPEL -YSGOL SUL

2009-06-13T23:57:00.002+01:00

Croeso cynnes i bawb - cysylltwch ag Edwyn Williams am fwy o wybodaeth.

BWRLWM BRO

2009-06-08T21:28:00.002+01:00

Bore Sul, 7 Mehefin daeth criw da o Ysgolion Sul yr ardal ynghyd i Neuadd Gellimanwydd i fwynhau Bwrlwm Bro. Mr Nigel Davies, Swyddog Plant/Ieuenctid Menter Cydenwadol Gogledd Myrddin oedd yn gyfrifol am y sesiwn.

Cawsom fore wrth ein bodd yn addoli Duw gan gyflwyno'r hen, hen hanes mewn dull cyfoes a pherthnasol ar gyfer ein dydd ni. Defnyddiwyd fuzzy felt, powerpoint, DVD, gemau a chrefft i gyflwyno hanes Y Bedd Gwag a Tomos.

Yna i orffen y cyfarfod cawsom gwpanaid o de neu sudd a creision.

Iesu'n ymddangos i Tomos (Ioan pennod 20 - Beibl.net)

Doedd Tomos ddim yno pan wnaeth Iesu ymddangos (Tomos oedd yn cael ei alw ‘yr Efaill’ – un o'r deuddeg disgybl).

25 Dyma’r lleill yn dweud wrtho, "Dyn ni wedi gweld yr Arglwydd!" Ond ei ymateb oedd, "Nes i mi gael gweld ôl yr hoelion yn ei arddyrnau, a rhoi fy mys yn y briwiau hynny a rhoi fy llaw i mewn yn ei ochr, wna i byth gredu’r peth!"

26 Wythnos yn ddiweddarach roedd y disgyblion yn y tŷ eto, a’r tro hwn roedd Tomos yno gyda nhw. Er bod y drysau wedi eu cloi, daeth Iesu i mewn a sefyll yn y canol a dweud, "Shalôm!"

27 Trodd at Tomos a dweud, "Edrych ar fy arddyrnau; rho dy fys i mewn ynddyn nhw. Estyn dy law i'w rhoi yn fy ochr i. Stopia amau! Creda!"

28 A dyma Tomos yn dweud, "Fy Arglwydd a'm Duw!"

29 "Rwyt ti wedi dod i gredu am dy fod wedi fy ngweld i,” meddai Iesu wrtho. “Mae’r rhai fydd yn credu heb weld yn mynd i gael eu bendithio’n fawr."

30 Gwelodd y disgyblion Iesu yn gwneud llawer o arwyddion gwyrthiol eraill, ond dw i ddim wedi ysgrifennu amdanyn nhw yma.

31 Ond mae’r cwbl sydd yma wedi ei ysgrifennu er mwyn i chi gredu mai Iesu ydy’r Meseia, mab Duw. Pan fyddwch chi'n credu byddwch chi'n cael bywyd tragwyddol trwyddo

BWRLWM BRO

2009-06-02T19:54:00.001+01:00

Bydd Bwrlwm Bro cylch Rhydaman yn cael ei gynnal yn Neuadd Gellimanwydd bore Sul nesaf, sef Mehefin 7fed am 10:30 – 11:45 y.b.

Prif bwrpas Bwrlwm Bro yw calonogi gwaith yr Ysgol Sul trwy roi cyfle llawn hwyl i blant gymdeithasu a dysgu yng nghwmni ei gilydd. Bydd y sesiynau wedi eu cynllunio`n ofalus o gwmpas thema Feiblaidd gydag amrywiaeth o weithgareddau. Ymdrechwn i roi profiad llawn hwyl i`r plant tra ar yr un pryd cyflawni amcan yr Ysgol Sul o gyflwyno efengyl Iesu Grist mewn ffordd syml, ddealladwy a pherthnasol ar gyfer heddiw.

Croeso cynnes i blant 4-14 oed gan gynnwys yr athrawon / rhieni.

Diolch yn fawr am eich cydweithrediad.

Nigel

GWASANAETH MARTIN LUTHER KING

2009-05-17T15:28:00.003+01:00

Bore dydd Sul 17 Mai cawsom Wasanaeth teuluol Neges Ewyllys Da ar y thema Martin Luther King. Braf oedd gweld cymaint yn y Capel, yn enwedig teuluoedd ifanc.

Y plant lleiaf, Macy, Catrin a Rhydian oedd yn cychwyn ein hoedfa drwy gyhoeddi yr emyn gyntaf.

Yna cawsom ddarlleniad gan Hanna, emyn gan William a gweddi gan Nia Mair. Rhys Daniels oedd yn cyhoeddi'r ail emyn. Rhoddwyd ychydig o gefndir Martin Luther King i ni gan Annie a cawsom sgets gan Mari, Elan a Dafydd. Darllennodd Mari am hanes Rosa Parks cyn i Harri roi cefndir araith enwog Martin Luther King. Cawsom ychydig o ddyfyniadau pwysig yr araith gan Rhys Jones a Dafydd. Elan oedd yn adrodd am ei farwolaeth a Mari am hanes Barack Obama.

Yn ystod yr oedfa chwaraewyd can U2 - Pride (In the name of love) sydd yn gan am Martin Luther King. I gyd fynd a'r gan gwelsom sleidiau o Martin Luther King yn areithio, Rosa Parks ar y bws yn Alabama a Barack Obama yn y Ty Gwyn.

Cawsom anerchiad gan ein gweinidog Y Parchg Dyfrig Rees cyn i Nia Rees gloi'r gwasanaeth gan gyhoeddi'r emyn olaf.

Yna, yn ol yr arfer, cawsom i gyd gyfle i gymdeithasu drwy rannu cwpanaid o de a bisgedi yn y Neuadd.

"Fe eisteddodd Rosa Parks fel bod Martin Luther King yn gallu cerdded

Fe gerddodd Martin Luther King fel bod Barack Obama yn gallu rhedeg.

Fe redodd Barack Obama fel ein bod ni yn gallu hedfan."

GWASANAETH CYMORTH CRISTNOGOL

2009-05-11T08:31:00.004+01:00

I ddechrau Wythnos Cymorth Cristnogol eleni cynhaliwyd Gwasanaeth Dwyieithog Undebol yng Ngellimanwydd ar Nos Sul 10 Mai.

Ein gweinidog Y Parchg Dyfrig Rees oedd yn arwain y gwasanaeth. Drwy gyfrwng storiau, myfyrdodau, darlleniadau a fideos clywsom am am ran Cymorth Cristnogol yn cynnal fflam gobaith ar gyfer rhai o’r cymunedau tlotaf yng Ngweriniaeth Ddemocrataidd y Congo – gwlad sy’n dod allan o dywyllwch gwrthdaro ac yn ymsefydlu mewn gobaith bregus. Drwy hanesion pobl ifanc yn Kinshasa, a thrwy eiriau’r ysgrythur, cawsom ein hysbrydoli drachefn, yn barod i roi cariad ar waith dros gymunedau tlawd yn ystod Wythnos Cymorth Cristnogol a thu hwnt.

"A dyma'r gorchymun sydd gennym oddi wrtho ef: bod i'r sawl sy'n caru Duw garu ei gydaelod hefyd". 1 Ioan 4:21

WYTHNOS CYMORTH CRISTNOGOL

2009-05-10T15:46:00.003+01:00

Cynehlir Wythnos Cymorth Cristnogol eleni ar Mai 10-16.

I ddechrau'r gweithgareddau byddwn yn cynnal Gwasanaeth Undebol dwyieithog yng Ngellimanwydd am 5.30 Nos Sul y 10ed. Yna yn ystod yr wythnos bydd aelodau capeli ac eglwysi Rhydaman yn casglu ar draws y dref. Mae'r amlenni coch a gwyn yn gyfarwydd iawn i bawb bellach ac mae cefnogaeth Rhydaman wastad yn anrhydeddus dros ben.
Bydd yr wythnos yn dod i ben ar 15 Mai pan fydd aelodau yr Eglwys yng Nghymru yn cynnal bore coffi yn Neuadd yr Eglwys, Stryd y Gwynt am 10 -12.

CALENDR Y SULIAU

2009-05-02T06:24:00.004+01:00

TREFN CYFARFODYDD Y SUL

Y Bore am 10.30: Gwasanaeth Addoli

Y Bore am 11.00 tan 11.45: Ysgol Sul y Plant

Yr Hwyr am 5.30: Gwasanaeth Addoli

Gwasanaeth y Cymundeb: Bore Sul cyntaf bob mis ac yn yr hwyr ambell fis.

CALENDR Y SULIAU 2009

MEDI

6- Y Gweinidog. Cymun yn oedfa'r bore

13- Bore: Y Parchg Derwyn Morris Jones

Hwyr: Cyfarfodydd Pregethu'r Gwynfryn

20 - Y Gweinidog. Cymun yn Oedfa'r Hwyr

27 - Y Gweinidog

HYDREF

4 - Y Gweinidog. Cymun yn oedfa'r bore

11 - Cyrddau Diolchgarwch

18- Y Parchg Emyr Lyn Evans, Abergwili

25 - Y Gweinidog

TACHWEDD

1- Y Gweinidog. Cymun yn oedfa'r bore

8 - Cyfardodydd Pregethu Y Parchg Ieuan Davies, B.A. B.D. Clydach

15 - Y Gweinidog

22 - Y Gweinidog. Cymun yn oedfa'r hwyr

29 Y Parchg Dewi myrddin Hughes B.A., B.D., Clydach

RHAGFYR

6 - Y Gweinidog Cymun yn oedfa'r bore

13 - Y Gweinidog

20 - Gwasanaeth Nadolig ar y cyd a Moreia ym Moreia am 10.30 y bore

Hwyr - Oedfa Nadolig y Plant a'r Ieuenctid

25 - Y Gweinidog: Cymun bore Dydd Nadolig am 8.30

27 - oedfa ar y cyd a Moreia yng Ngellimanwydd am 10.30 y bore

CYMANFA GANU 2009

2009-04-06T18:41:00.003+01:00

Cynhaliwyd y GYMANFA GANU UNDEBOL ar Ddydd Sul Y Blodau, 5ed Ebrill 2009 yng Nghapel y Gwynfryn. Braf oedd gweld cymaint o aelodau Gellimanwydd, Y Gwynfryn, Moreia, Seion, Capel Newydd, Bethani, Gosen, Capel Hendre, Caersalem ac Ebeneser yn ymuno yn y Gymanfa.Yr arweinydd oedd Mrs Ann Davies, LLCM, Llanarthne. Mrs Gloria Lloyd oedd yn cyfeilio wrth yr organ.Llywyddwyd yn y bore gan Gapel Hendre a Gosen yn yr hwyr.
Roedd Mrs Ann Davies ar ei gorau yn Gymanfa'r Plant gan lwyddo i gael hwyl arbennig yn y canu, ac yn yr un modd yn yr hwyr.

2009-04-06T08:15:00.005+01:00

CLWB HWYL HWYR

2009-03-31T23:03:00.002+01:00

Ar ddiwedd mis Mawrth i gloi gweithgareddau'r tymor cafodd aelodau Clwb Hwyl Hwyr Rhydaman barti mawr yn lle chwarae Fantasia yng Nghapel Hendre. Fe ddaeth bron i 20 o aelodau i’r parti ac fe fuodd y plant yn sglefrio, chwarae a mwynhau pryd o fwyd. Fel y gwelir yn amlwg o’r lluniau fe wnaeth pawb fwynhau yn fawr iawn.

Fel yr ydych yn siwr o fod yn gwybod menter Capeli Cymraeg Rhydaman yw'r Clwb Cristnogol yn llawn hwyl ar gyfer disgyblion blynyddoedd 3 i 6. Rydym yn cyfarfod yn wythnosol ar Nos Wener yn ystod tymhorau’r ysgol yn Neuadd Gellimanwydd, Rhydaman rhwng 5.30 a 6.30pm.

CYMANFA GANU UNDEBOL RHYDAMAN A'R CYLCH 2009

2009-03-15T20:00:00.003Z

Cynhelir y GYMANFA GANU ar Ddydd Sul Y Blodau, 5ed Ebrill 2009 yng Nghapel y Gwynfryn.

Bydd aelodau o Gellimanwydd, Y Gwynfryn, Moreia, Seion, Capel Newydd, Bethani, Gosen,Capel Hendre, Caersalem ac Ebeneser yn ymuno yn y Gymanfa.

Yr arweinydd fydd Mrs Ann Davies, LLCM, Llanarthne. Mrs Gloria Lloyd fydd yr organyddes.

Y llywyddion fydd aelod o Gapel Hendre yn y bore a Gosen yn yr hwyr.

Cyhelir rihyrsal i'r oedolion yng Nghapel y Gwynfryn ar 29 Mawrth am 5.30 yr hwyr dan arweiniad Mrs Ann Davies.

BANANA SPLIT MASNACH DEG

2009-03-06T23:38:00.005Z

Nos Wener 6ed Mawrth aeth plant Gellimanwydd sydd yn aelodau o Clwb Hwyl Hwyr i'r Arcade yn Rhydaman i gymryd rhan yn y Banana Split Enfawr.
Ymgais i greu record byd o ran bwyta bananas masnach deg oedd hon.
Yn gyntaf roedd yn rhaid adeiladu'r banana split drwy dorri bananas, wedyn rhoi'r hufen ia ar eu pennau. Yna ychwanegu'r hufen ac yn olaf y saws mefus a siocled. Roedd y canlyniad yn gampwaith ac yn wir cadw at y term Banana Split Enfawr.

Braf oedd gweld cymaint yno, yn blant, ieuenctid ac oedolion.
Roedd y gweithgaredd hwn wedi ei drefnu gan glybiau ieuenctid capeli ac eglwysi'r dref, ond yn agored i bawb. Roedd y banana split yn barod i'w bwyta am 6.00 a cafodd pawb hwyl arbennig yn llanw eu boliau.
Pa well ffordd o godi ymwybyddiaeth Masnach Deg sy'n ceisio sicrhau bywolaieth deilwng i gynhyrchwyr y trydydd byd, a chael hwyl arbennig yr un pryd.

GWASANAETH GWYL DEWI 2009

2009-03-01T13:54:00.006Z

Fel yr arfer ers sawl blwyddyn bellach Cwrdd teuluol oedd gennym ar fore Sul 1 Mawrth.

Sara Mai Davies oedd yn ein harwain mewn gweddi i agor yr oedfa. Yna daeth Elan Daniels i gyflwyno emyn. Wedi'r cyhoeddiadau a'r casgliad Mari Llywelyn oedd yn ein harwain yn y Gwasanaeth. Cawsom ddeialog rhwng Dewi Sant ac un o'i ddilynwyr gan Harri Jones a Dafydd Llywelyn. Adroddodd Sara Mai Davies "Neges Dewi".

Cyflwynodd Manon Daniels ddarlleniad o'r beibl, sef Mathew18: adnodau 1-6 ac 10-11. Yna gweddiodd Nia Rees ac Elan Daniels. Trystan Daniels rhoddodd yr emyn nesaf allan ac yna daeth y plant lleiaf sef Macy a Catrin ac adrodd "Dewi Sant".

Gadewch i ni gofio

Ein neges bob un,

A gwneud pethau bychain

A charu pob dyn.

Tro Hanna Williams oedd hi wedyn ac adroddodd "Salm y Genedl".

Cawsom air gan y Gweinidog drwy ddefnyddio Cenninen fel arwydd i ddangos gwaith pobl yr eglwys.

Cyn gweinyddu'r cymundeb rhoddodd Rhys Daniels emyn allan. Yn ystod y Cymundeb cafodd y Gweinidog y plant i gyd i fyny i'r sedd fawr ac esboniodd ystyr ac arwyddocad y bara a'r gwin iddynt.

I gloi oedfa fendithiol dros ben cawsom ein harwain gan Nia Jeffers yn yr emyn "Dros Gymru'n Gwlad".

Braf oedd gweld cymaint o blant a pobl ifanc yn y cwrdd. Yn wir dydwedodd ein gweinidog Y Parchg Dyfrig Rees pa mor galonogol oedd gweld y pobl ifanc yn y gwasanaeth ac mai nhw yw'r dyfodol. Hefyd dywedodd Mr Rees mai'r her i ni gyd yw ceisio sicrhau bod pob gwasnaeth yn wasanaeth deuluol .

GWYL DEWI

2009-02-26T20:45:00.003Z

Ar Nos Fercher 25 Chwefror daeth aelodau a chyfeillion Cymdeithas Gellimanwydd ynghyd i ddathlu Gwyl Dewi.

Cawsom noson o hwyl a sbri yng nghwmni ein gilydd. Unwaith eto roedd y bwyd yn flasus dros ben a'r cwmni yn cyfoethogi'r holl noson.

Mae pawb yn edrych ymlaen at y cyfarfod nesaf yn barod, pan gawn noson o frethyn cartref a drama yng ngofal Ruth Bevan.

CWIS BEIBLAIDD

2009-02-04T20:12:00.006Z

Ar brynhawn Sul Chwefror 1af daeth tyrfa niferus ynghyd i Neuadd Gellimanwydd, Rhydaman i gefnogi plant y dalgylch wrth iddynt gystadlu mewn Cwis Beiblaidd o dan drefniant Menter Cydenwadol Gogledd Myrddin. Cymerwyd rhan gan 10 o Ysgolion Sul a chafwyd prynhawn llawn hwyl a chyffro wrth i’r plant ddangos dyfnder eu gwybodaeth trwy ateb cwestiynau wedi eu gosod mewn amrywiaeth o ffyrdd deniadol. Tim Gellimanwydd oedd Elan Daniels, Sara Mai Davies, Harri Jones, a Mari Llywelyn.
Roedd yr achlysur yn un proffesiynol a chyfoes gyda bysyrs electronig, power point, a system sain. Roedd ymateb y plant yn frwdfrydig a da oedd gweld y to ifanc yn cael hwyl o gwmpas y Gair.

Canlyniadau
Roedd y gystadleuaeth yn un bywiog a difyr. Cael hwyl wrth gymryd rhan oedd y peth mawr, ond yn sgìl hynny, mae`n amlwg bod y plant wedi dysgu llawer, a gobeithio magu blas tuag at Air Duw.

Roedd y canlyniadau fel a ganlyn:
1af – Penuel, Caerfyrddin
2ail – Providence, Llangadog

Cyflwynwyd cwpan sialens i`r tîm buddugol ynghyd a thlysau unigol i`r plant hynny wnaeth gyrraedd y rownd derfynol gan gadeirydd y Fenter, sef Mr. Mel Morgans.

Dymuna Menter Cydenwadol Gogledd Myrddin nodi gwerthfawrogiad o`r defnydd a gafwyd o Neuadd Gellimanwydd ac o garedigrwydd chwiorydd y capel i ddarparu lluniaeth ar gyfer y timoedd. Y fenter nesaf a drefnir ar gyfer plant y dalgylch bydd penwythnos yn Nhrefeca ac yn dilyn hynny ar Ebrill 8fed yng Nghanolfan Hamdden Rhydaman cynhelir cystadlaethau chwaraeon pêl droed a phêl rwyd. Am fanylion pellach neu ffurflen gofrestru cysylltwch â Nigel Davies ar (01994)230049.
E-bost: gogmyrddin@uwclub.net